«Գիտուժը»՝ գիտության ֆինանսավորումն ավելացնելու մասին․ Եղած խնդիրներին չի համապատասխանում12 ապրիլի 2021 - 13:30 AMT PanARMENIAN.Net - Կառավարության որոշումը՝ 2021-ին գիտական և գիտատեխնիկական գործունեության համար հատկացումները 2․8 մլրդ դրամով ավելացնելու մասով, քայլ է ճիշտ ուղղությամբ, բայց անհամապատասխան է գիտության առջև ծառացած խնդիրներին և կրում է ընդամենը մարտավարական բնույթ, հայտարարել են «Գիտուժ» նախաձեռնությունից։ «Գիտուժից» ասում են, որ որոշումը կբերի առկա գիտական ներուժի կորստի մասնակի կանխարգելման և մտահոգիչ են համարում, որ «առանց հիմնավորման» հետաձգվում են գիտության երիտասարդացման համար անհրաժեշտ ծրագրերը։ «Գիտուժ» համայնքը ստիպված է հերթական անգամ արձանագրել իր խիստ անհամաձայնությունը. Կառավարության և ԱԺ-ի կողմից իրականացվող ոչ ռազմավարական քայլերն անհամաչափ են գիտության զարգացումն արգելակող խնդիրներին, քանի որ հավակնոտ չեն և չեն պարունակում երկարաժամկետ հանձնառության ամրագրում։ Մենք համոզված ենք, որ հասունացել է պահը, երբ իշխանությունները պետք է վեր կանգնեն իրավիճակային, քաղաքական, տնտեսական և այլ նկատառումներից, և ռազմավարական վերաբերմունք ցուցաբերեն գիտական ներուժի պահպանման ու զարգացման խնդրին՝ հստակ քայլերով և ամրագրումներով»,- հայտարարել են նախաձեռնությունից՝ նշելով, որ մինչ այդ շարունակելու են ներկայացնել իրենց պահանջները և հետևողականորեն առաջ են տանելու իրենց պայքարը, քանի որ խոսքը «Հայաստանի համար գոյաբանական հարցի մասին է»։ «Գիտուժից» նշել են, որ պատրաստ են գործակցել օրենսդիր և գործադիր մարմինների հետ՝ կարճ ժամկետներում Հայաստանում գիտության կտրուկ զարգացմանը միտված ռազմավարական քայլերի ուղղությամբ։ «Գիտուժ» նախաձեռնությունը պահանջում է Հայաստանում գիտության ֆինանսավորման ավելացում՝ առնվազն 50%-ով։ Նախաձեռնությանը միացել են գիտնականներ ու բիզնեսմեններ։ Ապրիլի 8-ին Կառավարությունը մոտ 2․8 մլրդ դրամով ավելացրել էր գիտության ֆինանսավորումը, նախաձեռնությունից արձագանքել են հենց այս որոշմանը։ Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Խարատյան․ Փաշինյանին պետք է բացատրել, հուշել կամ սաստել, որ չխոսի հարցերի շուրջ, որոնց մասին բավարար տեղեկացված չէ Անդրադառնալով ՀԱԵ մասին Փաշինյանի հայտարարություններին՝ նա ասել է․ Չես կարող օգնել, գոնե փորձիր չվնասել Մակրոնը հայատառ գրառում է արել Ազնավուրի 100–ամյակի առիթվ․ Փարիզում շանսոնյեի անունով պուրակ է կոչվել «Դեռ երեկ Շառլ Ազնավուրը մեզ հետ էր՝ երգելով մեր թախիծն ու երազանքները»,–գրել է Ֆրանսիայի նախագահը Բլինքեն․ ԱՄՆ-ն ուսումնասիրում է` ինչպես կարող է ամրապնդել ՀՀ-ին աջակցությունը «Մենք առաջ ենք շարժվելու այդ ուղղությամբ»,- ասել է նա Քաղաքապետարան․ Հասարակական տրանսպորտն աշխատում է բնականոն, բացահայտվել են չարաշահումներ Ավինյանն անձամբ էր այցելել «Երևանի ավտոբուս» ՓԲԸ՝ զրուցելու վարորդների հետ |