ԱԳՆ․ Գանդիի արձանի վնասումը սադրանք է՝ ուղղված հայ-հնդկական բարեկամության դեմ 30 ապրիլի 2021 - 10:38 AMT PanARMENIAN.Net - ՀՀ ԱԳՆ-ն խստորեն դատապարտել է Հնդկաստանի անկախության և պետականության խորհրդանիշ, խաղաղության առաջամարտիկ և հումանիստ Մահաթմա Գանդիի հուշարձանի պատվանդանի կոտրումը և հրկիզումը: «Սա սադրանք է՝ ուղղված դարավոր և անկախությունից ի վեր դինամիկ զարգացող հայ-հնդկական բարեկամության դեմ: Հուշարձանների պահպանման խնդիրը բոլորիս պարտավորություն է, և վանդալիզմի ու պղծման ցանկացած նման արարք ոտնձգություն է համամարդկային արժեքների դեմ, որի իրականացնողները պետք է ենթարկվեն պատասխանատվության օրենքի շրջանակներում»,-ասվում է հայտարարության մեջ։ Գանդիի արձանի պղծումը դատապարտել է նաև «Հայ-հնդկական բարեկամություն» ՀԿ-ն։ «Խորը վշտով տեղեկացանք, որ վերջերս անհայտ անձանց կողմից պղծվել է Հնդկաստանի անկախության շարժման առաջնորդ, միջազգային խաղաղության սիմվոլ և ջատագով, աշխարհահռչակ Մահաթմա Գանդիի արձանը, որը գտնվում է Երևանի Բուենոս Այրեսի այգում։ Ցավոք սրտի արձանի պղծումը հետևանք է այն անհիմն հակաքարոզչության, որը վերջին օրերին տարածվում էր որոշ շրջանակների կողմից։ Նման անպատվաբեր քայլերը արջի ծառայություն են մատուցում մեր երկրին, և սեպ են խրում մեր եւ բարեկամ հնդիկ ժողովրդի միջև,-ասվում է ՀԿ հայտարարության մեջ։ ՀԿ-ն նաև կոչ է անում բոլոր քաղաքացիներին չտրվել սադրանքներին և չհետևել անհիմն մերկապարանոց հայտարարություններին։ Ապրիլի 28-ին անհայտ անձանց կողմից հրկիզվել է Երևանի Բուենոս Այրեսի այգում վերջերս տեղադրված Մահաթմա Գանդիի արձանը։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
