ԱԺ-ն քննարկելու է վարչապետի ընտրության հարցը

PanARMENIAN.Net - Մայիսի 3-ին Ազգային ժողովը հատուկ նիստ է հրավիրել: Ժամը 12:00-ին քննարկվելու է վարչապետի ընտրության հարցը։

«Իմ քայլը» խմբակցությունն առաջադրել է Նիկոլ Փաշինյանի թեկնածությունը։ Ընդդիմադիր «Բարգավաճ Հայաստան» և «Լուսավոր Հայաստան» խմբակցություններն ավելի վաղ հայտարարել են, որ թեկնածություն չեն առաջադրելու։

Ապրիլի 25-ին Նիկոլ Փաշինյանը հրաժարական է տվել վարչապետի պաշտոնից և հայտարարել հունիսի 20-ին խորհրդարանական արտահերթ ընտրություններ անցկացնելու մասին։ Նա, սակայն, շարունակում է կատարել վարչապետի լիազորությունները որպես ժամանակավոր պաշտոնակատար։ Կառավարությունը նույնպես հրաժարական է ներկայացրել, բայց, անդամները շարունակում են կատարել լիազորությունները։ Եթե ԱԺ-ն 2 անգամ վարչապետ չընտրի, կլուծարվի։