2009թ. Հայաստանի պետբյուջեի դեֆիցիտը կմարվի պահեստային ֆոնդի հաշվին12 մարտի 2009 - 17:33 AMT PanARMENIAN.Net - «2009թ. վերջին որոշակի բարդություններ կառաջանան բյուջեի մարման հետ կապված, բայց մենք ոչ մի դեպքում չենք հրաժարվի սոցիալական ծրագրերի ֆինասնավորումից»,- հինգշաբթի օրը Երեւանում կայացած մամլո ասուլիսին հայտնել է Հայաստանի ֆինանսա-վարկային, բյուջետային եւ տնտեսական հարցերով խորհրդարանական հանձնաժողովի նախագահ, Հանրապետական կուսակցության անդամ Գագիկ Մինասյանը:Ինչպես նա հաղորդել է, Հայաստանի կառավարությունը կձեռնարկի բոլոր անհրաժեշտ միջոցները համաշխարհային ճգնաժամը հաղթահարելու համար, այդ թվում` խթանելու է նոր աշխատատեղերի ստեղծումը առավել հեռանկարային ոլորտներում: Խորհրդարանական հանձնաժողովի նախագահը ճշտել է, որ սոցիալական ծախսերը կարող են միայն տեղափոխվել տարվա վերջին եռամսյակ, երբ բյուջեն կհամալրվի համապատասխան եկամուտներով: Ինչ վերաբերում է բյուջեի եկամտային հատվածին, Մինասյանի կարծիքով, պահեստային ֆոնդը, որն այժմ հասել է 77 մլրդ դրամի, թույլ կտա նվազեցնելու բյուջետային դեֆիցիտը 3%-ով: Խորհրդարանական հանձնաժողովի նախագահը ավելացրել է, որ այն միջոցները, որոնք 2007թ. ուղղված էին պահեստային ֆոնդ, ամբողջությամբ մարել են 2008թ. ծախսերը: «2009թ. առաջին ամիսներին մենք իսկապես մեծ միջոցներ ենք ծախսել փոխարժեքի զսպման համար, բայց դա անհրաժեշտ էր այժմյան լողացող փոխարժեքին անցում կատարելու համար»,- ասել է նա: Գագիկ Մինասյանի կանխատեսումներով, 2009թ. վերջին այնպիսի իրադրություն կստեղծվի, որ ծախսերը գրեթե կհավասարվեն եկամուտներին, որոնք կառավարություը մտադիր է ապահովել ստվերային տնտեսության դեմ պայքարի հաշվին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Խոսնակը հերքել է Բաքվում կայանալիք COP29–ին Փաշինյանի մասնակցության մասին լուրերը «Փաշինյանի աշխատանքային օրակարգում նման այց չի պլանավորվում»,–ասել է նա Փաշինյան․ ԱՕԿՍ-ի շենքում խանութ, սրճարան, ռեստորան բացելու սահմանափակում չկա Նա նշել է, որ միակ սահմանափակումը, որ դրվել է, այն է, որ շենքի մշակութային բովանդակությունը չվնասվի Շոյգու․ ՆԱՏՕ-ն ՀԱՊԿ երկրներ ներխուժում է մշակում Նա հավելել է, որ ՀԱՊԿ երկրների համար անմիջական սպառնալիք է ՆԱՏՕ-ի շարունակական ընդլայնումը Սև ծովից ցիկլոն է գալիս․ Ջերմաստիճանը կնվազի 6-9 աստիճանով Հնարավոր է նաև կարկուտ |