Hexact-ը լավագույն արդյունքներից մեկն է գրանցել AppSumo-ում12 մայիսի 2021 - 12:54 AMT PanARMENIAN.Net - Hexact տեխնոլոգիական ընկերությունն իր մշակած Hexowatch գործիքը ներկայացրել է AppSumo-ում և դարձել այդ հարթակում լավագույն արշավներից մեկի հեղինակը: AppSumo-ն SaaS ծրագրերի վաճառքի (կամ lifetime deal- անժամկետ առաջարկների) ամենամեծ հարթակն է, որն օրական միայն մեկ արշավի մեկնարկ է տալիս: Ընտրվելու համար ընկերությունները խիստ չափորոշիչների համապատասխանության փուլ են անցնում: AppSumօ-ում Hexact-ի «անժամկետ առաջարկի» արդյունքում ավելի քան 400,000 դոլարի վաճառք է գրանցվել, որից ավելի մեծ հաջողություն ընդամենը մի քանի պրոդուկտ է ունեցել:
«Բիզնես հրեշտակներն ու վենչուրային հիմնադրամներն անհրաժեշտ են ստարտափի զարգացման համար, բայց կան նաև այլընտրանքներ: Սա հենց այդպիսի case study է, որը միջոցներ ներգրավելու և հաճախորդների պահանջները հասկանալու շատ լավ տարբերակ է ստարտափների համար»,- նշել է Hexact-ի հիմնադիր տնօրեն Ստեփան Ասլանյանը: AppSumօ-ն ամսական 2-3 միլիոն այցելու ունի, որոնք արշավի ընթացքում Hexowatch գործիքը գնահատել են որպես «ժամանակ խնայող», «անսահման հնարավորություններ տվող», «լավագույնը բիզնեսի համար» և այլ ձևակերպումներով:
«Իհարկե, այս հարթակում ներկայանալու համար մեծ ջանքեր են պահանջվում, սակայն դրան հասնելը բոլորովին անհնար չէ և փողից բացի, լրացուցիչ արժեքներ է բերում. միլիոնավոր օգտատերեր իմանում են քո պրոդուկտի մասին, համացանցը լցվում է պրոդուկտը ներկայացնող հոդվածներով ու տեսանյութերով, ձեռք ես բերում բազմաթիվ brand-advocate-ներ և ամենակարևորը՝ իմանում ես ինչ ուղղությամբ կատարելագործել պրոդուկտը»,- նշել է Ստեփան Ասլանյանը:
Hexact տեխնոլոգիական ընկերությունը hիմնադրվել է 2019թ., ԱՄՆ-ում: Ընկերության հայ հիմնադիրները հենց նույն տարում գրասենյակ են բացել նաև Հայաստանում: Hexact-ի պրոդուկտների ծրագրային ապահովումն ու զարգացումը հիմնականում իրականացնում են հայաստանցի մասնագետները: Hexact-ի գործունեության հիմնական ուղղություններն են՝ տվյալների հավաքագրում, վերլուծություն և պրոցեսների ավտոմատացում։ Գործունեության երկրորդ տարին ընկերությունն ամփոփել է 15,000 ակտիվ օգտատերով՝ 135 երկրից։ Ստարտափն 2020-ին հավաքագրել և վերլուծել է 22.5 տերաբայթ տվյալ և 8,2 միլիոն դոմեյն։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |