  Դավթյան․ Ադրբեջանցի 1000 զինծառայող կա ՀՀ-ում՝ ընդհանուր թիվը մնացել է նույնը 22 հունիսի 2021 - 15:32 AMT PanARMENIAN.Net - Զինված ուժերի Գլխավոր շտաբի պետ Արտակ Դավթյանը, անդրադառնալով ՀՀ տարածքում գտնվող ադրբեջանցի զինվորականների թվին, ասել է, որ նրանց քանակը, ինչպես նախկինում հայտարարվել էր, 1000 է՝ ընդհանուր թիվը մնացել է նույնը։. Նա ասել է նաև, որ հայկական տարածքում ոչ մի զիջում չեն պատրաստվում կատարել և զիջումներ չեն լինելու, տեղեկացնում է Aysor.am-ը։ Անդրադառնալով դիտարկմանը, թե Շորժայի հատվածում հայկական կողմը խրամատներ է փորում և այդ տարածքում շենք-շինություններ կան, որոնք մնում են հայկական և ադրբեջանական կողմի արանքում՝ Դավթյանն ասել է՝ հուսով են, դա կկարգավորվի բանակցային գործընթացով։ «Իսկ բանակցային գործընթացքով չկարգավորվելու դեպքում համապատասխան որոշումներ կկայացվեն։ Միջադեպերն այն ծավալով, որ նախկինում կային, այս պահի դրությամբ չկան, և դա առաջին հերթին պայմանավորված է բանակցային գործընթացով», - ասել է Դավթյանը։ Նա նշել է, թե բանակցային գործընթացի փուլերի մասին չի հայտարարվում դրան չվնասելու համար։ ԳՇ պետի խոսքով՝ բանակը պատրաստ է ուժային տարբերակով խնդիրը լուծել, սակայն դա ցանկալի չէ՝ հաշվի առնելով պատերազմի ընթացքում հայկական կողմի կրած կորուստների քանակը և նոր արհավիրքներից զերծ մնալը։ Մայիսի 12-ի առավոտյան Ադրբեջանի զինված ուժերը Սյունիքի մարզի Սև լիճ տեղանքում և հարակից տարածքում հատել են ՀՀ պետական սահմանը և խորացել մինչև 3․5 կիլոմետր։ Վարչապետի պաշտոնակատար Նիկոլ Փաշինյանը դա որակել է որպես դիվերսիոն անցում, նշել, որ իրավիճակը մերձճգնաժամային է, եթե ոչ ճգնաժամային, և հայտարարել, որ ՀՀ-ն չի կարող նման վիճակ հանդուրժել։ Մայիսի 13-ին ադրբեջանական զինված ուժերը, կրկին՝ «սահմանների ճշգրտման» հիմնավորմամբ, հերթական սադրանքն են իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում։ Բանակցություններն արդյունք չեն տվել։ՀՀ-ն պաշտոնապես դիմել է ՀԱՊԿ-ին, ինչպես նաև ռազմական աջակցություն խնդրել ՌԴ-ից։ Մայիսի 27-ի առավոտյան ադրբեջանցիները Գեղարքունիքի մարզում 6 հայ զինծառայող են գերեվարել, որոնցից 5-ին, ի թիվս 15 գերիների, վերադարձրել են հունիսի 13-ին՝Աղդամի ականապատ դաշտերի քարտեզի դիմաց։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
