Freedom House-ի կոչը ՀՀ իշխանություններին՝ դադարեցնել եզդի ակտիվիստի հետապնդումն ու չեղարկել խոսքի ազատությունը վտանգող օրինագծերը

Freedom House-ի կոչը ՀՀ իշխանություններին՝ դադարեցնել եզդի ակտիվիստի հետապնդումն ու չեղարկել խոսքի ազատությունը վտանգող օրինագծերը

PanARMENIAN.Net - Freedom House իրավապաշտպան հասարակական կազմակերպությունը կոչ է արել ՀՀ իշխանություններին, ԱԱԾ-ին ու Գլխավոր դատախազությանը դադարեցնել եզդի իրավապաշտպան Սաշիկ Սուլթանյանի քրեական հետապնդումը և չեղարկել խոսքի իրավունքը լրջորեն վտանգող ու խախտող օրենսդրական նախագծերը:

Սուլթանյանը, իր տված հարցազրույցի հիման վրա, մեղադրվում է հայ և եզդի ժողովրդների միջև ազգամիջյան, ռասայական և կրոնական թշնամանքի բորբոքման մեջ։

Հայտարարության մեջ նշվում է, որ ԱԱԾ-ի կողմից եզդի իրավապաշտպանի նկատմամբ հարուցված քրգործի ու դրա՝ մեղադրական եզրակացությամբ Գլխավոր դատախազություն ուղարկելը, ինչպես նաև 7-րդ գումարման ԱԺ-ի կողմից անձին ու մասնավորապես հանրային անձին ծանր վիրավորանք հասցնելու քրեականացումը վկայում են, որ Հայաստանի՝ վերջին տարիներին ունեցած ձեռքերումները ժողովրդավարության ու իրավունքի ոլորտներում վտանգված են:

7-րդ գումարման Ազգային ժողովը հայհոյանքի քրեականացնող օրինագիծ է ընդունել, որով օրենքը խախտելու համար 100,000-ից մինչև 3 մլն դրամ տուգանք է նախատեսվում կամ 1-3 ամսվա կալանք։

«Եզդի իրավապաշտպանի անհիմն հետապնդումը մտահոգիչ է ինչպես ՀՀ-ում ազգային փոքրամասնությունների հանդեպ վերաբերմունքի տեսակետից, այնպես էլ քննադատությանը ՀՀ կառավարության արձագանքի տեսակետից»,-ասել է Եվրոպայում և Եվրասիայում Freedom House-ի ծրագրերի տնօրեն Մարկ Բերենթը։

«Ծանր վիրավորնքը» քրեականցնող օրենքի ընդունումը ճնշում է խոսքի ազատությունը և քաղաքական ընդդիմությանը»,-ասել է նա։

«Կոչ ենք անում ՀՀ իշխանություններին, ԱԱԾ-ին ու Գլխավոր դատախազությանը հանել Սաշիկ Սուլթանյանին ներկայացված մեղադրանքները և չեղարկել խոսքի ազատությունը խախտող հակասահմանադրական օրենքը»,-ասել է Բերենքը։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---