Վարչապետ․ Կանայք պետք է ներգրավվեն ԶՈւ մարտական ստորաբաժանումներում24 օգոստոսի 2021 - 14:59 AMT PanARMENIAN.Net - ՀՀ վարչապետ Նիկոլ Փաշինյանը, ԱԺ-ում ներկայացնելով կառավարության 5-ամյա ծրագիրը և անդրադառնալով բարեփոխումներին ԶՈւ-ում, հայտարարել է, որ կանայք պետք է առավել մեծ ներգրավվածություն ունենան ԶՈւ մարտական ստորաբաժանումներում։ Նա ասել է, որ դա պայմանավորված է օբյեկտիվ տվյալներով, որոնց համաձայն կանայք ՀՀ բնակչության մեծամասնություն են կազմում և ուղղակի չի կարելի անտեսել այդ ներուժը, և ոչ միայն Զինված ուժերում։ Վարչապետը հավելել է, սակայն, որ դա չի նշանակում, թե կայանք բանակում պետք է նույնքան ներգրավված լինեն, որքան տղամարդիկ։ «Խոսքը պոտենցիալի հնարավորինս լիարժեք օգտագործման մասին է»,-ասել է նա Խոսելով պրոֆեսիոնալ բանակին անցում կատարելու մտադրության մասին՝ Փաշինյանը շեշտել է դրա տարբերությունը պայմանագրային ծառայությունից, երբ մարդն ունի իր հիմնական մասնագիտությունը և ամսավա որոշ հատված ներգրավվում է զինծառայության մեջ։ Վարչապետը շեշտել է, որ պրոֆեսիոնալ բանակ ենթադրում է, որ զինծառայողը մշտապես զբաղված է լինելու իր մարտական պատրաստվածության բարձրացմամբ։ Փաշինյանը կարևորել է նաև նաև բանակի տեխնոլոգիական արդիականացումը, ավտոմատացված կառավարման համակարգի ներդրումը։ Վարչապետը բանակի բարեփոխումների արդիականացման գործընթացում կարևորեց ռազմավարական դաշնակցի` ՌԴ-ի հետ համագործակցությունը Օգոստոսի 18-ին տեղի ունեցած կառավարության նիստում վարչապետ Նիկոլ Փաշինյանը ներկայացրել էր կառավարության 2021-2026թթ. ծրագիրը՝ բաղկացած 6 բաժնից։ Այդ բաժիններն են՝ անվտանգություն և արտաքին քաղաքականություն, տնտեսություն, ենթակառուցվածքների զարգացում, մարդկային կապիտալի զարգացում, իրավունք և արդարադատություն և ինստիտուցիոնալ զարգացում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |