  Բրիտանիան £500,000 է հատկացրել ԼՂ և հարակից տարածքների ականազերծմանը 2 սեպտեմբերի 2021 - 16:36 AMT PanARMENIAN.Net - Մեծ Բրիտանիան £500,000 է հատկացրել ԼՂ և հարակից տարածքների ականազերծման համար՝ նպատակ ունենալով 2020-ի պատերազմից հետո «անվտանգ դարձնել այդ շրջանը, կանխել վնասվածքներն ու կյանքեր փրկել»։ Այդ մասին ասվում է Մեծ Բրիտանիայի կառավարության կյաքում։ Նշվում է, որ այդ միջոցները թույլ կտան ուսուցանել անձնակազմին՝ նպաստելով ականազերծմանն ու հետագայում ականազերծված հողերի կիրառմանը մարդկանց կողմից Լեռնային Ղարաբաղում և հարակից շրջաններում։ Մեծ Բրիտանիան նաև կոչ է արել մյուս երկրներին ևս սատարել ՄԱԿ Զարգացման ծրագրի նախաձեռնությանը։ «Մեծ Բրիտանիան առաջին երկիրն էր, որը 2020-ի պատերազմից հետո հայտարարեց հումանիտար աջակցության մասին և 1 ֆունտ ստեռլինգ նվիրաբերեց Կարմիր խաչի միջազգային կոմիտեին՝ տուժածներին աջակցելու համար։ Այժմ Մեծ Բրիտանիան կոչ է անում նաև մյուս երկրներին սատարել ՄԱԿ նախաձեռնությանը և օգնել հազարավոր մարդկանց, որոնք տուժել են հակամարտությունից, վերականգնել իրենց կյանքը և վերադառնալ տարածաշրջան, որը նրանք լքել էին հակամարտության արդյունքում կամ չպայթած զինամթերքի պատճառով»,-ասվում է հաղորդագրության մեջ։ Մեծ Բրիտանիայի ԱԳՆ Եվրոպական հարևանության գծով պետնախարար Վենդի Մորթոնը հայտարարել է, որ ԼՂ և հարակից տարածքն աշխարհում ամենաականապատներից մեկն է։ Նա նշել է, որ Մեծ Բրիտանիայի նվիրատվությունն ուղղվելու է քաղաքացիական բնակչության համար ռիսկերի նվազեցմանը ինչպես Հայաստանում, այնպես էլ Ադրբեջանում՝ ուսուցանելով և տեխնիկապես աջակցելով նրանց, ովքեր օգնում են այդ շրջաններն անվտանգ դարձնել։ 44-օրյա պատերազմի ընթացքում Ադրբեջանն ականներ, արգելված կասետային և ֆոսֆորային ռումբեր է օգտագործել Արցախի խաղաղ բնակչության դեմ։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
