«Հայաստան» խմբակցությունը 3-րդ անգամ կառաջադրի Արթուր Ղազինյանի թեկնածությունը 7 սեպտեմբերի 2021 - 17:40 AMT PanARMENIAN.Net - «Հայաստան» խմբակցությունն արդեն 3-րդ անգամ ԱԺ պաշտպանության և անվտանգության հարցերի հանձնաժողովի ղեկավարի տեղակալի պաշտոնին կառաջադրի Արթուր Ղազինյանի թեկնածությունը: Այդ մասին հայտնել է խմբակցության քարտուղար Արծվիկ Մինասյանը, տեղեկացնում է «Փաստինֆոն»: Իշխող մեծամասնությունն արդեն երկու անգամ մերժել է Արթուր Ղազինյանի թեկնածությունը՝ Պաշտպանության և անվտանգության հարցերի մշտական հանձնաժողովի փոխնախագահի պաշտոնին: Որպես հիմնավորում ՔՊ-ականները նշում են, թե վերջինս հեռու է ռազմական գործից։ Ըստ Դոնթի բանաձևի՝ այդ պաշտոնն ընդդիմության ներկայացուցիչը պետք է զբաղեցնի: «Իրենք ամեն ինչ էլ կարող են ասել, մենք վստահ ենք, որ Արթուր Ղազինյանը լավագույնս կիրականացնի Պաշտպանության և անվտանգության հարցերի հանձնաժողովի փոխնախագահի գործառույթները»,-ասել է Արծվիկ Մինասյանը՝ արձագանքելով ՔՊ-ականներին: Պատասխանելով այն հարցին, թե հնարավո՞ր է Արթուր Ղազինյանի կրկին չընտրվելու դեպքում թեկնածուն փոխվի կամ զիջվի «Պատիվ ունեմին»՝ Արծվիկ Մինասյանն ասել է. «Մենք հաստատակամ ենք մեր որոշման մեջ»: Ավելի վաղ «Քաղաքացիական պայմանագիր» խմբակցության պատգամավոր Արմեն Խաչատրյանը, անդրադառնալով ԱԺ պաշտպանության և անվտանգության հարցերի մշտական հանձնաժողովի փոխնախագահի պաշտոնում «Հայաստան» խմբակցության պատգամավոր Արթուր Ղազինյանին երկրորդ անգամ չընտրելուն, ասել էր, որ եթե ընդդիմությունը 5 տարի աընընդմեջ նրան առաջադրի, մեծամասնությունն անընդհատ մերժելու է նրա թեկնածությունը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
