ԳՇ պետ․ Գորիս-Կապան ճանապարհով գնացել, եկել եմ՝ նորմալ է

PanARMENIAN.Net - Զինված ուժերի ԳՇ պետ Արտակ Դավթյանը, անդրադառնալով Գորիս-Կապան ճանապարհի անվտանգությանը, ասել է, թե ինքը երթևեկում է այդ ճանապարհով՝ նորմալ է։

«Ես գնացել, եկել եմ, նորմալ է», - ասել է նա, գրում է Aysor.am-ը։

ԳՇ պետը հրաժարվել է մեկնաբանել Որոտանի ճանապարհին մոլորված անձանց վերաբերյալ տեղեկատվությունը՝ ասելով, թե դա Պաշտպանության նախարարությանը չի վերաբերում։

Լրագրողի հարցին, թե ՀՀ քաղաքացին ինչպես կարող է վստահ լինել, որ անվտանգ երկրում է ապրում, և, օրինակ, Սյունիք գնալիս մտավախություն չունենա, ԳՇ պետը պատասխանել է. «Մտորելու խնդիր չեմ տեսնում, յուրաքանչյուրն իր տեղում պետք կատարի իր աշխատանքը բարեխղճորեն»։

Դավթյանը վստահություն է հայտնել, որ ժողովուրդն ու պետությունը դուրս կգան այս իրավիճակից։

«Եվ մենք կունենանք այն երազած հայրենիքը, որի համար պայքարել ենք»,-ասել է նա։

2021թ. սեպտեմբերի 9-ից Երևան-Կապան Մ2 միջպետական ճանապարհին՝ Գորիսի Որոտան բնակավայրի հատվածում, ադրբեջանական իշխանությունները տեղադրել են ոստիկանական հենակետ, որը սեպտեմբերի 11-ից սկսել է գործել:

Ավելի ուշ հայտնի դարձավ, որ ադրբեջանցիները կանգնեցնում են իրանական բեռնատարները և գումար գանձում։ Դա հաստատեց նաև պաշտոնական Բաքուն՝ հայտարարելով, որ «ճանապարհային հարկ է» գանձվում։