  Մոսկվան` Ալիևի նոր սպառնալիքների մասին․Առճակատման երանգով հայտարարությունների տարածումը չի նպաստում տարաձայնությունների հաղթահարմանը 1 հոկտեմբերի 2021 - 12:15 AMT PanARMENIAN.Net - ՌԴ ԱԳՆ տեղեկատվության և մամուլի վարչության պետի տեղակալ Ալեքսեյ Զայցևը, անդրադառնալով Ադրբեջանի նախագահ Իլհամ Ալիևի այսպես կոչված՝ «Զանգեզուրի միջանցքն» ուժով բացելու սպառնալիքներին, ասել է, որ առճակատման երանգ ունեցող հայտարարությունների տարածումը չի նպաստում տարաձայնությունների հաղթահարմանը: Ավելի վաղ Ալիևը հերթական անգամ հայտարարել էր, որ այսպես կոչված «Զանգեզուրի միջանցքը» պետք է բացվի։ «Երկրորդ ղարաբաղյան պատերամը ցույց տվեց, թե ինչ է տեղի ունենում, երբ մեր համբերությունը սպառվում է։ Ուստի մենք Հայաստանին հնարավորություն ենք տալիս կատարելու նոյեմբերի 10-ի հայտարարության բոլոր պայմանները»,-ասել է նա։ Զայցևն ասել է, որ «հասկանում է, որ ԶԼՄ-ներն անտարբեր չեն թեժ նորությունների հանդեպ, այնուամենայնիվ, ակնհայտ է, որ բացառապես առճակատման երանգ ունեցող հայտարարությունների տարածումը չի նպաստում առկա տարաձայնությունների հաղթահարմանը», գրում է «Նովոստի Արմենիան»։ Նա հավելել է, որ փոխարենը հարկավոր է հնարավորություն ապահովել փոխընդունելի լուծումներ գտնելու համար։ Նա նշել է, որ և Բաքվից, և Երևանից բարձրագույն մակարդակով հայտարարվել է հարաբերություններում նոր էջ բացելու պատրաստակամության մասին։ «Մեր աշխատանքում կենտրոնանում ենք այդպիսի դրական կետերի վրա»,- ընդգծել է Զայցևը: «Անդրկովկասում տրանսպորտային ուղիների ապաշրջափակմանն ուղղված եռակողմ աշխատանքային խումբը՝ Ռուսաստանի, Ադրբեջանի և Հայաստանի փոխվարչապետերի ձևաչափով շարունակում է աշխատել: Մեր կողմից ողջունում ենք Բաքվի և Երևանի դրական տրամադրվածությունը փոխընդունելի փաթեթային պայմանավորվածությունների հասնելու հարցում, ինչը հեռանկարում թույլ կտա համատեղ աշխատանքը տեղափոխել գործընկերային համագործակցության հարթություն»,- ասել է Զայցևը։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
