Կվերաբացվի Արցախյան ազատամարտի հերոս Գագիկ Ստեփանյանի վերակառուցված դպրոցը 5 հոկտեմբերի 2021 - 11:57 AMT PanARMENIAN.Net - Հոկտեմբերի 5-ին հիմնովին վերակառուցումից հետո պաշտոնապես կբացվի Արցախյան ազատամարտի հերոս Գագիկ Ստեփանյանի անվան Երևանի թիվ 135 դպրոցը։ Այդ մասին ֆեյսբուքյան իր էջում տեղեկացրել է ՀՀ փոխվարչապետ Սուրեն Պապիկյանը։ Դպրոցն ունի կահավորված լաբորատորիաներ, վերելակներ, մարզադահլիճ, հանդիսությունների սրահ, տեղադրվել են արևային ջրատաքացուցիչներ, կառույցը լիարժեք հարմարեցված է ներառական կրթությանը։ «Դպրոցի հին շենքը կառուցվել էր 1967թ., սակայն վերջին տարիներին այն խիստ վտանգավոր էր դարձել, քանի որ ցանկացած երկրաշարժ կամ ցնցում կարող էր ճակատագրական լինել: Այդ հանգամանքը հաշվի առնելով` որոշվեց հիմնովին քանդել հին շենքը և կառուցել նորը։ Վերակառուցված ժամանակակից և 9 բալ երկրաշարժի նկատմամբ սեյսմակայուն դպրոցն այսօր արդեն ունի 1701 աշակերտ, որոնք կրթություն են ստանում հարմարավետ պայմաններում»,-ասվում է գրառման մեջ։ Նշվում է, որ դպրոցի հիմնանորոգումը տեղի է ունեցել ՀՀ կառավարության և Ասիական զարգացման բանկի՝ մոտ 2 մլրդ 190 մլն ՀՀ դրամ ներդրման արդյունքում՝ Հայաստանի տարածքային զարգացման հիմնադրամի միջոցով: Կառուցումից հետո օրակարգային է դարձել կրթօջախի կահավորման խնդիրը, որի համար ՀՀ կառավարությունը պահուստային ֆոնդից հատկացրել է 43 մլն 230 հազար ՀՀ դրամ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
