Կաթողիկոսն ու Ռուսիո պատրիարքը քննարկել են խաղաղության հաստատումն Արցախում12 հոկտեմբերի 2021 - 18:50 AMT PanARMENIAN.Net - Երկօրյա այցով Մոսկվայում գտնվող Ամենայն Հայոց կաթողիկոս Գարեգին Երկրորդն ու Համայն Ռուսիո և Մոսկվայի պատրիարք Կիրիլը քննարկել են խաղաղության հաստատման գործընթացը Լեռնային Ղարաբաղում։ Զրույցի ընթացքում քննարկվել են մի շարք ակտուալ հարցեր, ասվում է Ռուս Ուղղափառ եկեղեցու կայքում հրապարակված հաղորդագրության մեջ։ «Այսօր հայ ժողովրդի և Հայաստանի համար ծանր ժամանակներ են, սակայն, մենք հավատում ենք, որ Աստծո օգնությամբ և բարեկամ երկրների, առաջին հերթին ՌԴ, աջակցության շնորհիվ, մենք կկարողանանք հաղթահարել այս փորձությունը»,-ասել է կաթողիկոսը։ Քննարկվել են նաև Հայ Առաքելական եկեղեցու և Ռուս Ուղղափառ եկեղեցու երկկողմ հարաբերություններին առնչվող հարցեր։ Համայն Ռուսիո պատրիարք Կիրիլը պարգևատրել է Ամենայն Հայոց կաթողիկոսին ՌՈւԵ «Փառքի և պատվի» 1-ին աստիճանի շքանշանով՝ ՀԱԵ և Մոսկվայի պատրիարքարանի միջև բարեկամական կապերի զարգացման համար, ինչպես նաև կաթողիկոսի 70-ամյա տարեդարձի կապակցությամբ։ Նշվում է, որ հոկտեմբերի 13-ին կայանալու է Համայն Ռուսիո և Մոսկվայի պատրիարք Կիրիլի, Ամենայն Հայոց կաթողիկոս Գարեգին Երկրորդի և Կովկասի Մահմեդականների հոգևոր վարչութան նախագահ, շեյխ Ալլահշուքյուր Փաշազադեի եռակողմ հանդիպումը՝ նվիրված ղարաբաղյան կարգավորման թեմային։ Երկօրյա այցով Մոսկվայում գտնվող Ամենայն Հայոց կաթողիկոս Գարեգին Երկրորդին ուղեկցում են Մայր Աթոռի Արտաքին հարաբերությունների և արարողակարգի բաժնի տնօրեն Տ. Նաթան արքեպիսկոպոս Հովհաննիսյանը, Արցախի թեմի առաջնորդ Տ․ Վրթանես եպիսկոպոս Աբրահամյանը, Մայր Աթոռի Միջեկեղեցական հարաբերությունների բաժնի տնօրեն և Գևորգյան հոգևոր ճեմարանի տեսուչ Տ. Շահե ծայրագույն վարդապետ Անանյանը, Գերագույն հոգևոր խորհրդի անդամ, ի. գ․ դ․ Գևորգ Դանիելյանը և Մայր Աթոռի Կաթողիկոսական գրասենյակի տնօրեն Տ. Վահրամ ավագ քահանա Մելիքյանը: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Ըստ Դանիելյանի՝ ԱԺ խորհրդի նիստը կկայանա ժամը 16։00-ին. Բագրատ սրբազանը կոչ է արել հավաքվել ԱԺ-ի մոտ «Սա անվստահության գործընթացի առաջին քայլն է»,–ասել է սրբազանը Ըստ Բաքվի՝ Նախիջևանի՝ ՀՀ–ին սահմանակից հատվածում ադրբեջանցի զինծառայող է անհետացել Նշվում է, որ նա կորել է անհայտ հանգամանքներում Բագրատ սրբազանը կողմնակիցների հետ գիշերել է Բաղրամյան պողոտայում․ Վրաններ են դրվել «Սկսում ենք մեր շարժման վերջնական փուլը»,–ասել է Բագրատ սրբազանը հունիսի 9–ի հանրահավաքում Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա |