Փաշինյան․ ՀՀ սահմանը չի փոխվել, ՀՀ տարածքը ոչ մի փոփոխություն չի կրել 27 հոկտեմբերի 2021 - 19:05 AMT PanARMENIAN.Net - Հայաստանի վարչապետ Նիկոլ Փաշինյանը, Ազգային ժողովում հարցուպատասխանի ժամանակ պատասխանելով ՀՀ սահմանների մասին Արթուր Ղազինյանի հարցին, հայտարարել է, որ ՀՀ սահմանը չի փոխվել, ՀՀ տարածքը ոչ մի փոփոխություն չի կրել։ «Մենք այսօր ելնում ենք այդ իրողությունից, ինչը չի նշանակում, թե 100%-ոց ճշգրիտ է։ Հայաստանի Հանրապետության սահմանը չի փոխվել և ՀՀ-ն ելնում է այն սահմանից, որը նկարագրված է 2010-ին ընդունված «Հայաստանի Հանրապետության վարչատարածքային բաժանման մասին օրենքում», որտեղ նկարագրված է, թե որտեղ է ավարտվում Հայաստանը և որտեղ է սկսվում Ադրբեջանը»,-ասել է Փաշինյանը՝ հավելելով, որ այլ հարց է, որ սահմանը սահմանազատված և սահմանագծված չէ։ «Մենք ասում ենք, որ Սոթք-Խոզնավար հատվածում Ադրբեջանի զինված ուժերը խախտել են մեր սահմանը, մյուս հատվածներում մենք ունենք որոշակի ստատուս-քվո։ Չի փոխվել Հայաստանի Հանրապետության տարածքը», - ասել է Նիկոլ Փաշինյանը։ Նա հավելել է, որ հայ-վրացական սահմանին էլ կան հատվածներ, որոնք ճշգրտված չեն։ ԱԺ «Հայաստան» խմբակցության անդամ Արթուր Ղազինյանը, արձագանքելով, իրավապահ մարմինների ուշադրությունը հրավիրել է վարչապետի հայտարարությանը, քանի որ առերևույթ առկա է «Պետական սահմանի մասին» օրենքի դրույթների խախտում։ Նա նշել է, որ «Վարչատարածքային բաժանման մասին օրենքը» չի կարող հիմք հանդիսանալ պետական սահմանը գծելու համար։ «Պետական սահմանը «Պետական սահմանի մասին» օրենքով է սահմանվում, իսկ եթե որևէ հարևան պետության հետ չկա ճշգրտված սահման, պետության տարածքը հանդիսանում է այն տարածքը, որի վրա գտնվում են Հայաստանի զինված ուժերը»,-ասել է նա։   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
