  Զախարովա․ Տրանսպորտային ապաշրջափակման ամենաօպտիմալ ձևը եռակողմ աշխատանքային խումբն է 29 հոկտեմբերի 2021 - 10:39 AMT PanARMENIAN.Net - ՌԴ արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Հարավային Կովկասում տրանսպորտային հաղորդակցությունների ապաշրջափակման համար ամենաօպտիմալ ձևը եռակողմ աշխատանքային խումբն է՝ Ադրբեջանի, Հայաստանի, Ռուսաստանի փոխվարչապետերի համատեղ նախագահությամբ: Այդ մասին նա ասել է՝ ճեպազրույցում մեկնաբանելով Թուրքիայի նախագահ Ռեջեփ Թայիփ Էրդողանի հայտարարությանը Վարանդայում՝ «Զանգեզուրի միջանցքի» մեկնարկի մասին: Զախարովան նշել է, որ բոլոր երեք կողմը բարձր են գնահատում աշխատանքային խմբի գործունեությունը։ Նա հավելել է, որ Մոսկվան ճիշտ է համարում հավատարիմ մնալն այն հայտարարություններին և քայլերին, որոնք նպաստում են Հարավային Կովկասում տնտեսական և տրանսպորտային կապերի ապաշրջափակման վերաբերյալ եռակողմ պայմանավորվածությունների իրագործմանը։ Նա նշել է, որ 2021-ի հունվարի 11-ին ստեղծված և Ադրբեջանի, Հայաստանի, Ռուսաստանի փոխվարչապետերի համանախագահությամբ գործող աշխատանաքային խումբն արդեն 8 նիստ է անցկացրել և բոլոր կողմերը բարձր են գնահատում խմբի գործունեությունը։ Ավելի վաղ Թուրքիայի և Ադրբեջանի նախագահներ Ռեջեփ Թայիփ Էրդողանը և Իլհամ Ալիևը համատեղ այցելել էին Ադրբեջանի հսկողության տակ անցած Վարանդա՝ մասնակցելու միջազգային օդանավակայանի բացմանը։ Նրանք նաև մասնակցել էին ճանապարհի կառուցման հիմնարկեքին, որտեղ Էրդողանը հայտարարել էր, որ դրանով սկիզբ է դրվում «Զանգեզուրի միջանցքի» մեկնարկին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
