Տողանյան․ Չի բացառվում, որ Երևանն օգնության համար դիմի ՀԱՊԿ-ին17 նոյեմբերի 2021 - 14:47 AMT PanARMENIAN.Net - ՌԴ-ում ՀՀ դեսպան Վարդան Տողանյանը հայտարարել է, որ, չնայած իրավիճակի կայունացմանը ՀՀ և Ադրբեջանի սահմանագոտում, չի բացառվում, որ Երևանը կարող է օգնության համար դիմել ՀԱՊԿ-ին, գրում է ՌԻԱ Նովոստին։ «Բարդ է ասել՝ կախված է նրանից, թե ինչպես կզարգանա իրավիճակը. ունենք այն, ինչ ունենք։ Տեսնենք, թե ինչպես կզարգանան իրադարձությունները»,- ասել է նա՝ պատասխանելով հարցին, թե արդյոք ՀՀ-ն մտադիր է դիմել ՀԱՊԿ-ի օգնությանը, թե կայունացումից հետո դրա անհրաժեշտությունն այլևս չկա։ Դեսպանը դրական է պատասխանել հստակեցնող հարցին, թե արդյոք ոչ մի զարգացում չի բացառվում։ «Այո»,- ասել է նա։ «Իրավիճակը կայունացել է այս պահի դրությամբ»,-ասել է Տոնոյանը։ Դեսպանը հավելել է, որ Երևանը շարունակում է շփումները Մոսկվայի հետ Ադրբեջանի հետ սահմանին իրավիճակի մասով, այդ թվում գերիների վերադարձին աջակցելու հարցում։ «Բանակցություններ են ընթանում։ Այդ հարցը դրված է, և մենք խոսում ենք այդ մասին»,-ասել է նա՝ պատասխանելով գերեվարված ՀՀ քաղաքացիների վերադարձին աջակցելու մասին հարցին։ Նոյեմբերի 16-ին ադրբեջանական ԶՈւ ստորաբաժանումները հարձակվել էին ՀՀ արևելյան սահմանագոտում ուղղությամբ տեղակայված հայկական դիրքերի վրա և ներխուժել ՀՀ ինքնիշխան տարածք։ Հակառակորդը կիրառել է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմը դիմել է համարժեք գործողությունների։ Նոյեմբերի 17-ի` ժամը 10։00-ի դրությամբ հարաբերական կայուն է, կրակի դադարեցման պայմանավորվածությունը հիմնականում պահպանվում է։ Հայկական կողմն ունի 1 զոհված և 13 գերեվարված զինծառայող։ Եվս 24 զինծառայողի հետ կապը կորել է մարտական գործողությունների ընթացքում և նրանց ճակատագիրն այս պահին անհայտ է։ Զինծառայողների հայտնաբերման ուղղությամբ ընթանում են ինտենսիվ աշխատանքներ։ Հակառակորդի վերահսկողության տակ է անցել երկու մարտական հենակետ։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Միրզոյան․ Պատրաստ ենք ժամանակավորապես հյուրընկալել Գազայում վտանգված ձեռագրերը Նա նաև ասել է, որ Հայաստանը դեմ է խաղաղ բնակչությանը թիրախավորելուն |