Չնույնականացված աղբյուրին հղում տալու դեպքում ԶԼՄ-ների պատասխանատվության հարցը` ԱԺ-ում 9 դեկտեմբերի 2021 - 18:50 AMT PanARMENIAN.Net - Ազգային ժողովը դեկտեմբերի 9-ի նիստում երկրորդ ընթերցմամբ քննարկել է «Զանգվածային լրատվության մասին» օրենքում փոփոխություններ և լրացումներ կատարելու մասին» նախագիծը, ըստ որի՝ չնույնականացված աղբյուրին հղում տալու, նրա տեղեկատվությունը տարածելու դեպքում լրատվամիջոցը չի ազատվի պատասխանատվությունից։ Նախագիծը ներկայացրել են իշխանական պատգամավորներ Արթուր Հովհաննիսյանը, Վահագն Հովակիմյանը, Թագուհի Ղազարյանը և Սարգիս Խանդանյանը։ Թագուհի Ղազարյանը հիշեցրել է, որ կարգավորումները նախատեսում են պատասխանատվություն նույնականացման տվյալներ չունեցող աղբյուրներին հղում տալու և ապօրինի խոսք պարունակող տեղեկատվությունը փոխանցելու դեպքերում: Լրատվամիջոցն այդ պարագայում պատասխանատվություն է կրելու: Պատգամավորի խոսքով՝ լրատվամիջոցները ելքային տվյալներ չունեցող աղբյուրներին հղում անելիս պետք է ռիսկերը նկատի ունենան, քանի որ իրենք են պատասխանատվություն կրելու ապօրինի խոսքի համար: «Այս նախագիծը խոսքի ազատության սահմանափակման մասին չէ, ընդամենը նույնականացման տվյալներ չունեցող աղբյուրները հավասարեցվում են անանուն աղբյուրներին»,-պարզաբանել է Թագուհի Ղազարյանը: Առաջինից երկրորդ ընթերցում ընկած ժամանակահատվածում առաջարկներ են ստացվել արդարադատության նախարարությունից: Խոսքի ազատության պաշտպանության կոմիտեի առաջարկներն ընդունվել են, իսկ ԱԺ «Հայաստան» խմբակցության առաջարկները՝ ոչ: ԱԺ «Հայաստան» խմբակցության տեսակետը ներկայացրել է Լիլիթ Գալստյանը: Պատգամավորի խոսքով՝ չնույնականացվող աղբյուրը նույնական է անանուն աղբյուրի հետ և լրատվամիջոցի գնահատման դաշտում է այս կամ այն լուրի առնչությամբ հղում անելը, իսկ աղբյուրի բացահայտումը լրագրողը կարող է և պարտավոր է անել սահմանված դեպքերում միայն դատարանի որոշմամբ: Նա ասել է, որ ԱԺ «Հայաստան» խմբակցությունը դեմ է քվեարկելու: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Փաշինյան․ Մեր պետության գոյությունը վտանգող ուղիղ սպառնալիքի փուլը հաղթահարել ենք «Կարողացել ենք ուղիղ սպառնալիքները կառավարել, չեզոքացնել կարճաժամկետ իմաստով»,–ասել է նա Վարչապետ․ Սահմանազատված հատվածներում ապահովված է անվտանգության հնարավոր ամենաբարձր երաշխիքը Նա ընդգծել է, որ ժամանակակից աշխարհում չկա անվտանգության ավելի գործուն երաշխիք «ՍոֆթԿոնստրակտ»-ը ՀՀ 11-րդ խոշոր հարկատուն է 2024-ի առաջին եռամսյակում «ՍոֆթԿոնստրակտի» կողմից վճարված հարկերի ծավալը գերազանցել է 3․6 մլրդ դրամը Փաշինյանը՝ Բագրատ սրբազանի հետ հանդիպման մասին․ Ինձ հետ հանդիպելու ընթացակարգեր կան Նա ասել է, որ բաց է հանդիպումների համար |