Մինասյան․ «Հայաստան» խմբակցությունը քննարկում է ՀՀ նախագահի թեկնածու առաջադրելու հարցը25 հունվարի 2022 - 15:00 AMT PanARMENIAN.Net - «Հայաստան» խմբակցությունը քննարկում է նախագահի թեկնածու առաջադրելու հարցը։ Այս մասին հայտնել է «Հայաստան» խմբակցության պատգամավոր Արծվիկ Մինասյանը՝ պատասխանելով լրագրողի հարցին։ Մասնավորապես, հետաքրքրվել էին՝ արդյոք «Հայաստան» խմբակցությունն ունի արդեն նախագահի թեկնածուի տարբերակներ, որոնց պատրաստվում են առաջադրել, և արդյոք կմիանան «Պատիվ ունեմ» խմբակցությանը՝ միասնական թեկնածու առաջադրելով և արդյոք կտապալեն նախագահի ընտրության առաջին փուլը, թե ոչ։ Մինասյանը նշել է, որ ներկայումս քննարկման փուլում են, կտեղեկացնեն իրենց որոշման մասին, գրում է «Փաստինֆոն»։ «Մի քանի չափանիշներ նկատի առնելով, մասնավորապես՝ Սահմանադրությամբ ամրագրված չափորոշիչները, նախագահի թեկնածության և առաջադրման մասով հետագայում կներկայացնենք մեր դիրքորոշումը։ Առաջիկայում ավելի կոնկրետ կասենք»,-նշել է Մինասյանը։ Անդրադառնալով վարչապետի հայտարարությանը, թե նախագահը պետք է ներդաշնակ լինի իշխող ուժի հետ՝ Մինասյանը հավելել է, որ Նիկոլ Փաշինյանի խոսքը վերաբերում էր իր իշխանությանը և ակնհայտ էր, որ այդ խոսքում չկար այն հիմնական միտքը, նպատակադրումը, որն անհրաժեշտ է ներկայիս իրավիճակից դուրս գալու համար։ «Նախագահը չի կարող միայն քաղաքական մեծամասնության սրտի նախագահը լինել։ Նախագահը պետք է ապահովի Սահմանադրությամբ ամրագրված մոտեցումների լիարժեք իրականացումը»,-նշել է նա։ «Հայաստան» խմբակցության մեկ այլ անդամ՝ Աննա Գրիգորյանն էլ արձանագրել է, որ բավականին վտանգավոր է այն հայտարարությունը, որ պետք է բոլոր ինստիտուտների միջև՝ նկատի ունենալով արդեն օրենսդիր, գործադիր, նախագահական ինստիտուտների միջև ներդաշնակեցում տեղի ունենա։ «Նշանակում է, որ Նիկոլ Փաշինյանը որպես Հանրապետության նախագահ տեսնում է մի մարդու, որն ընդհանրապես որևէ առարկություն չի հնչեցնի որևէ հարցի հետ կապված։ Այսինքն՝ մարդ, որ ոչ մի խոչընդոտ չի ստեղծի հերթական նոր խնդիրների համար, այսինքն՝ լուռ և անհաղորդ կլինի երկրում ստեղծված իրավիճակին»,- ասել է Գրիգորյանը։ Վարչապետ Նիկոլ Փաշինյանը, հունվարի 24-ի առցանց ասուլիսում անդրադառնալով նախագահի նոր թեկնածուի հարցին, ասել է, որ այն դեռևս չի քննարկվել, սակայն, իր կարծիքով, նոր նախագահի ու քաղաքական մեծամասնության միջև պետք է քաղաքական ներդաշնակություն լինի։ Հունվարի 23-ին ՀՀ նախագահ Արմեն Սարգսյանը հրաժարական է ներկայացրել։ Ազգային ժողովում ստացել են ՀՀ նախագահ Արմեն Սարգսյանի հրաժարականի վերաբերյալ ծանուցումը: Նախագահի հրաժարականն ուժի մեջ կմտնի, եթե առաջիկա 7 օրվա ընթացքում Արմեն Սարգսյանը հետ չվերցնի դիմումը։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |