Բաքվում 2 հայ ռազմագերու դատապարտել են 19 և 18 տարվա ազատազրկման 5 մարտի 2022 - 15:53 AMT PanARMENIAN.Net - Բաքվում ավարտվել է 2 հայ ռազմագերիների դատավարությունը։ Դատարանը ՀՀ քաղաքացիներ Իշխան Սարգսյանին և Վլադիմիր Ռաֆայելյանին դատապարտել է համապատասխանաբար 19 և 18 տարվա ազատազրկման։ Դատավճռում ասվում է, որ նրանք 9 տարի պետք է անցկացնեն բանտում, իսկ մնացած ժամկետը՝ խիստ ռեժիմի գաղութում, տեղեկացնում է ԱՊԱ գործակալությունը։ Ավելի վաղ դատախազը Իշխան Սարգսյանի և Վլադիմիր Ռաֆայելյանի համար 20 և 19 տարվա ազատազրկում էր պահանջել: Նրանց մեղադրում են իբր 2021-ի մայիսին «Ադրբեջանի սահմանն ապօրինի հատելու և Քարվաճառի շրջանում Ադրբեջանի ՊՆ ենթակայության մատակարարման ուղիներն ականապատելու մեջ», ինչպես նաև, «ըստ Սարգսյանի ցուցմունքի, Բաքու-Թբիլիսի-Ջեյհան նավթամուղը պայթեցնելու մտադրության մեջ», տեղեկացնում է Sputnik Ադրբեջանի տելեգրամ ալիքը։ 2021-ի մայիսի 27-ին ՀՀ ՊՆ-ն հաղորդագրություն էր տարածել, որ նույն օրը վաղ առավոտյան Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ զինված ուժերի վեց զինծառայող։ Հայկական կողմի պնդմամբ՝ հայ զինծառայողները գտնվել են ՀՀ տարածքում և չեն հատել սահմանը։ Նրանցից 4-ը հունիսի 12-ին վերադարձվել են հայկական կողմին։ Իշխան Սարգսյանի և Վլադիմիր Ռաֆայելյանի անունները ևս գերեվարվածների ցուցակում էր, բայց նրանք չեն վերադարձվել։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |