 Ցուցարարները երթեր են անում և փողոցներ փակում 4 ուղղությամբ 6 մայիսի 2022 - 14:50 AMT PanARMENIAN.Net - «Դիմադրություն» շարժման մասնակիցները մասնակիցները Ֆրանսիայի հրապարակից երթ են սկսել միանգամից 4 ուղղությամբ։ «Հայաստան» դաշինքի ներկայացուցիչներն Իշխան Սաղաթելյանի գլխավորությամբ փակել են Արգիշտի–Մաշտոց–Հաղթանակի կամուրջ հանգույցը, տեղեկացնում է Sputnik Արմենիան։ «Հայաստան» դաշինքի ներկայացուցիչներ Իշխան Սաղաթելյանը, Արամ Վարդևանյանը, Աննա Գրիգորյանը և նրանց համախոհները երթը մեկնարկել են Մաշտոցի պողոտայից և շարժվել են դեպի Ամիրյան փողոց։ Ոստիկանները բերման են ենթարկում մասնակիցներին և գործողություններ իրականացնում փողոցը փակելու ուղղությամբ։ Սաղաթելյանը հեգնել է՝ ասելով․ «Թողնենք, որ ոստիկանները փակ պահեն փողոցը մենք գնանք ուրիշ փողոց փակենք», տեղեկացնում է «Փաստինֆոն»։ Խաղաղ ակցիայի մասնակիցները փակել են Լուսավորիչ-Պարոնյան-Լեո խաչմերուկը՝ նստելով փողոցում։ Մեքենայի վարորդներն ազդանշաններով իրենց աջակցությունը հայտնեցին քաղաքացիներին»։ Խաչմերուկը մի քանի րոպե փակելուց հետո քաղաքացիները շարունակել են քայլերթը։ «Դիմադրություն» շարժման անդամների մի հատվածը փակել է Բաղրամյան–Կասյան–Հրաչյա Քոչար խաչմերուկը։ Նրանց մի մասը նստել է ասֆալտին, և բոլորով վանկարկում են` «Պայքար»։ Նրանք այս պահին գտնվում են այդ խաչմերուկի էստակադայի մոտ։ Հարակից շենքերում ապրող քաղաքացիները ծափահարում էին և աջակցում շարժման անդամներին։ Կարճ ժամանակ անց նրանք շարժվեցին Կոմիտաս պողոտայի ուղղությամբ։ Կան բերման ենթարկվածներ, այդ թվում՝ նախկին ոստիկանապետ Վալերի Օսիպյանը։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
