ԳԹԿ տնօրենի տեղակալ․ Հայտագրվողների ամենամեծ թիվը գրանցվել է անգլերենից և մաթեմատիկայից, 3-րդ տեղում՝ հայոց լեզուն է19 մայիսի 2022 - 19:10 AMT PanARMENIAN.Net - Գնահատման և թեստավորման կենտրոնի տնօրենի տեղակալ Կարո Նասիբյանը, ամփոփելով 2022 թ. բուհերի ընդունելության քննությունների դիմում-հայտերի արդյունքները, ասել է, որ նախորդ տարվա համեմատ դիմորդների թիվն աճել է՝ 13,573 դիմորդ, իսկ 2021-ին դիմել էին 13,120-ը: Թիվը ներառում է նաև ներբուհական քննություն հանձնողներին: Ներբուհական քննություն հանձնում են արվեստի, մշակույթի, սպորտի բնագավառի բուհերի դիմորդները: Այդ բուհերն իրենք են կազմակերպում քննությունները, և դրանք միասնական չեն: Հայտագրումն ավարտվել է մայիսի 10-ին: Հայտագրման արդյունքում ամենամեծ թիվը գրանցվել է «Անգլերեն» առարկայից՝ 5587, երկրորդ տեղում «Մաթեմատիկան» է՝ 5429, երրորդ տեղում «Հայոց լեզու և հայ գրականություն» առարկան է՝ 5253 դիմորդով: Մնացյալ առարկաների համար դիմել է 1600 և պակաս դիմորդներ: Այս փուլի քննություններն անցկացվելու են հունիսի 7-24-ը: ԳԹԿ փոխտնօրենը նաև տեղեկացրել է, որ ավելացել է նաև բնագիտամաթեմատիկական առարկաներից քննություն հանձնողների, այդ թվում «Ֆիզիկա» առարկայի դիմորդների թիվը՝ 1585: Նասիբյանն առանձնացրել է 5 բուհի ամենապահանջված մասնագիտությունները, որոնց համար առավել շատ դիմում-հայտ է ներկայացվել: Առաջին տեղում Մխիթար Հերացու անվան բժշկական համալսարանի «Բուժական գործն» է, երկրորդում՝ ԵՊՀ-ի «Ինֆորմատիկա և կիրառական մաթեմատիկա», երրորդ տեղում Հայաստանի պետական տնտեսագիտական համալսարանի «Կառավարում», չորրորդ տեղում՝ ԵՊՀ-ի «Իրավագիտություն», հինգերորդ տեղում՝ Հայաստանի պետական տնտեսագիտական համալսարանի «Ֆինանսներ» մասնագիտություններն են: Տարբեր բուհերի մոտ 160 մասնագիտությամբ որևէ դիմորդ չի եղել: Հունիսի 26-ից մեկնարկելու է լրացուցիչ փուլի դիմում-հայտերի ընդունումը: Լրացուցիչ փուլի հայտագրման, քննությունների հանձնման ժամկետը հուլիսի 2-8-ն է: «Արդյունքները հրապարակվելու են հուլիսի 18-ին: Դրանից հետո հրապարակելու ենք թափուր մնացած մասնագիտությունների ցանկը, և մրցույթից դուրս մնացած դիմորդները կարող են կրկին հայտ ներկայացնել՝ առանց քննության, և իրենց գնահատականներով փորձել ընդունվել»,- ասել է Կարո Նասիբյանը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |