  Ալիև․ Պետք է «ցտեսություն» ասել ԵԱՀԿ ՄԽ-ին՝ համանախագահները չեն կարող հավաքվել 16 հունիսի 2022 - 13:07 AMT PanARMENIAN.Net - Ադրբեջանի նախագահ Իլհամ Ալիևը Բաքվի Գլոբալ համաժողովի բացմանն իր ելույթում ասել է, թե ԵԱՀԿ Մինսկի խմբի գործունեությունը վերականգնելու փորձերն անարդյունավետ են և միայն նյարդայնացնում են։ Նա հավելել է, որ 30 տարին բավարար է թոշակի գնալու համար, գրում է Sputnik Ադրբեջանը։ «Կարծում եմ, որ լավագույն ուղին Մինսկի խմբին «ցտեսություն» ասելն է, ընդ որում, ոչ թե «շնորհակալություն, ցտեսություն», այլ միայն «ցտեսություն»,- ասել է Ալիևը՝ հավելելով, որ այդ տարիների ընթացքում ՄԽ-ն ոչ մի արդյունքի չի հասել։ Ալիևն ասել է նաև՝ բոլորն արդեն հասկացել են, որ Մինսկի խմբի երեք համանախագահները չեն կարող միասին հավաքվել։ «Մենք արդեն մեսիջներ ենք ստացել այդ կապակցությամբ՝ որ համանախագահների ինստիտուտն արդեն չի գործում»,-ասել է նա։ «Մենք հանգուցալուծել ենք հակամարտությունը, ՄԽ-ի մշակած այսպես կոչված «Մադրիդյան սկզբունքները» նույնպես լուծվել են։ Հիմա պետք է մտածենք Հայաստանի հետ հարաբերությունների կարգավորման և խաղաղ պայմանագիր կնքելու մասին»,-ասել է նա։ Ըստ Ալիևի, հաջողության դեպքում, կողմերը կարող են խաղաղ պայմանագիր կնքել 1 տարվա ընթացքում։ ՀՀ պաշտոնատար անձինք միջազգային գործընկերների հետ հանդիպումներում մշտապես կարևորում են Լեռնային Ղարաբաղի հակամարտության կարգավորումը ԵԱՀԿ Մինսկի խմբի մասնակցությամբ։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
