Հայաստանը լրացուցիչ 20 մլն եվրո կստանա KFW գերմանական զարգացման բանկից 8 ապրիլի 2009 - 22:39 AMT PanARMENIAN.Net - Այսօրվա դրությամբ հիպոթեկային վարկերի ընդհանուր ծավալը Հայաստանում կազմում է շուրջ 84 մլրդ դրամ: Այդ մասին չորեքշաբթի լրագրողներին է հաղորդել Հայաստանի Կենտրոնական բանկի նախագահ Արթուր Ջավադյանը եւ հավելել, որ հիպոթեկային վարկավորման հարցում բանկերն առավել զգուշավոր են դարձել եւ այն վարկերն, որոնք արդեն մարվել են, չեն տրամադրվում նույն ծավալով: Ջավադյանը հաղորդել է, որ KFW ծրագրով, որն իրականացվում է Գերմանա-հայկական հիմնադրամի միջոցով, դեռեւս 1 մլն եվրո կա իրացման համար: «Բանակցություններ են ընթանում նաեւ KFW գերմանական զարգացման բանկի հետ հունիսին այդ գումարը եւս 20 մլն եվրոյով (10 մլրդ դրամ) ավելացնելու վերաբերյալ»,-հավելել է նա: Այս առնչությամբ Կենտրոնական բանկի ղեկավարը նշել է, որ առեւտրային բանկերի կողմից հիպոթեկային վարկավորման ծրագրերի իրականացման համար Կենտրոնական բանկը պատրաստ է այդ միջոցները տրամադրել համարժեք դրամով: «Կա եւս մեկ ծրագիր, որով կստեղծվի հիպոթեկային հիմնադրամ 5 մլրդ դրամ սկզբնական կապիտալով ԿԲ-ի կողմից, ինչպես նաեւ բանակցություններ են ընթանում Հայաստանի կառավարության հետ իր բաժին մասնակցությունը ունենալու վերաբերյալ»,-ասել է նա: ԿԲ նախագահը նշել է, որ կանոնադրական կապիտալի համար միջոցներ են նախատեսվել 2009թ. Կենտրոնական բանկի կապիտալ ծախսերի ծրագրով: Նախատեսվում է, որ հիմնադրամի կապիտալում կներառվի նաեւ մասնավոր հատվածը, իսկ հիպոթեկային հիմնադրամի ընդհանուր կապիտալը մինչեւ տարեվերջ կկազմի շուրջ 30 մլրդ դրամ: «Հիպոթեկային հիմնադրամի ստեղծումը նոր խթան կհաղորդի մեր շուկաներին, ինչն էլ կնպաստի շինարարության տեմպերի աճին»,-հավելե է Ջավադյանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |