  Հայկազ Սողոմոնյանի «Ես ողջ եմ կամ...» ցուցահանդեսը Երեւանում10 ապրիլի 2009 - 20:03 AMT PanARMENIAN.Net - Այսօր «Նարեկացի» մշակութային կենտրոնում բացվել է Հայկազ Սողոմոնյանի հետմահու երկրորդ «Ես ողջ եմ կամ...» խորագրով ցուցահանդեսը, որ նվիրված է նկարչի մահվան հինգերորդ տարելիցին: Ցուցահանդեսում ներկայացված են Սողոմոնյանի տարբեր ոճերի աշխատանքները, քանի որ նա փորձել է իրեն գեղանկարչության տարբեր ոճերում: Ցուցահանդեսում, որը կտեւի մինչեւ ապրիլի 18-ը, այցելուները կկարողանան տեսնել «Լույսի արտացոլում», «Ցեղասպանություն», «Հին եւ նոր արվեստ», «Հայ ժողովրդի վերածնունդը», «Կարմիր սոնատներ», «Պարեր» ժողովածուների աշխատանքները: «Մի անգամ ես տուն եկա եւ տեսա, որ ցածրահասակ մի ծերունի հիացմունքով դիտում է Հայկազի աշխատանքները, հետո եղբայրս ինձ ասաց, որ դա ինքը Երվանդ Քոչարն էր»,-ասել է նկարչի քույրը` Լյուսյա Սողոմոնյանը եւ հավելել է, որ, հետագայում Քոչարը բազմիցս է այցելել այն ժամանակ տակավին երիտասարդ Հայկազ Սողոմոնյանին: Նա նաեւ հավելել է, որ մահից առաջ Սողոմոնյանը պատվիրել էր դուրս չտանել իր աշխատանքները Հայաստանից եւ պահպանել այն տուն-թանգարանի ստեղծման համար: Հ.Սողոմոնյանը Հովհաննես Զարդարյանի լավագույն աշակերտներից է: Նա ավարտել է Երեւանի մանկավարժական ինստիտուտի գեղանկարչության ու գծանկարի բաժինը, որից հետո իր վարպետությունը հղկել է քանդակագործ Տարիել Հակոբյանի մոտ: Կենդանության օրոք նրա աշխատանքները ցուցարդվել են երկու անհատական եւ մի քանի խմբակային ցուցահանդեսներում:   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
