Աղավնոյից դեռ ոչ ոք չի հեռացել․ Սպասում են բնակարանների գնման հավաստագրերի11 օգոստոսի 2022 - 10:35 AMT PanARMENIAN.Net - Աղավնոյում հավաքում են ճամպրուկները, սակայն 177 բնակչից ոչ ոք առայժմ գյուղից չի հեռացել՝ երկու շաբաթից գյուղն անցնելու է ադրբեջանցիներին։ Բնակիչներն ասում են, որ մինչև բնակարանի գնման հավաստագրերը չստանան, չեն հեռանալու, գրում է «Ազատությունը»։ Արցախի կառավարությունը բնակարանի գնման հավաստագրեր պիտի տա՝ 8-12 միլիոն դրամի: «Մինչև չստանանք, չենք հեռանա», ասել են բնակիչները: Ըստ աղբյուրի` նրանց նաև հորդորել են՝ տները կրակի չտալ, դուռ, պատուհան կտուր չհանել, թե չէ հավաստագիր չեն ստանա: «Մենք մնալու ենք վերջին օրը դուրս գանք, տեսնենք` ինչ ա լինելու վերջին օրը։ Ոչ էլ կայրեմ, ձեռքս չի գնա, համ էլ միգուցե մի օր հետ կգանք», - ասել է բնակիչներից Անի Հովսեփյանը: Աղավնոյի բնակիչները ենթադրում են՝ կառավարությունը ձգձգում է հավաստագրի տրամադրումը, որպեսզի իրենք կարմիր տանիքներով, գեղեցիկ, խնամված իրենց առանձնատներն անվնաս թողնեն: «Աշխատում ենք, որ էդպես ստացվի, կարծում եմ, կստացվի», - նշել է Քաշաթաղի վարչական շրջանի ղեկավար Մուշեղ Ալավերդյանը: Քաշաթաղի վարչակազմի ղեկավարն էլ չգիտի, թե երբ կլինեն այդ սերտիֆիկատները, գիտի այն, որ օգոստոսի 11-ից տեղահանվողներին կսկսեն տրամադրել գումար՝ Աղավնոյից իրերը տեղափոխելու և անձամբ հեռանալու համար։ «Կտրամադրվի 125 հազար դրամ միանվագ և երկու ամիս անընդմեջ 70,000 դրամ գումար կփոխանցվի, իսկ մեկ շնչից ավելի ընտանիքները կստանան 250,000 դրամ և նույնպես շնչի հաշվարկով 70,000 դրամ»,-ասել է նա։ Ովքեր Աղավնոյում գույք ունեն, բայց իրենք այստեղ չեն ապրում, կստանան միայն վառելիք՝ իրերը տանելու համար: ԱՀ իշխանությունները տեղեկացրել են Բերձորի, Աղավնոյի և Սուսի բնակիչներին, որ նրանք մինչև օգոստոսի 25-ը պետք է լքեն բնակավայրերը։ Այդ օրը միջանցքը հանձնվելու է Ադրբեջանի հսկողությանը, որը Լաչինը շրջանցող նոր ճանապարհ է կառուցել, սակայն հայկական կողմում շինաշխատանքները դեռ չեն սկսվել։ Մինչդեռ նոյեմբերի 9-ի եռակողմ հայտարարության մեջ ասվում է, որ կողմերը փոխադարձ համաձայնությամբ 3 տարվա ընթացքում պետք է համաձայնեցնեն նոր երթուղին։ Օգոստոսի 3-ին Հայաստանի անվտանգության խորհրդի քարտուղար Արմեն Գրիգորյանը հայտարարել էր, որ Արցախը Հայաստանին կապող երթևեկությունը Լաչինի միջանցքի փոխարեն այլ երթուղով կազմակերպելուԱդրբեջանի պահանջը լեգիտիմ չէ։ ՀՀ ԱԳՆ-ն հայտարարել էր, որ անթույլատրելի են ադրբեջանական կողմից հնչող հայտարարությունները, որոնցով փորձ է արվում միակողմանիորեն փոփոխել Լաչինի միջանցքում եռակողմ հայտարարության 6-րդ կետով սահմանված իրավական ռեժիմը, և վերահաստատել, որ Լաչինի միջանցքով անցնող երթուղին կարող է փոփոխվել միայն հայտարարությունը ստորագրած կողմերի հաստատած պլանի համաձայն։ Սակայան, այս հայտարարություններից հետո, հայտարարվեց հայ բնակչության տարհանման մասին։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |