Զախարովա․ ՀԱՊԿ առաքելության արդյունքներն ու ՀՀ-ին օգնության հարցը կքննարկեն Հավաքական անվտանգության խորհրդի արտահերթ նիստում20 հոկտեմբերի 2022 - 16:13 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով Հայաստանում ՀԱՊԿ առաքելության տեղակայման հավանականության մասին հարցին, ասել է, որ ՀՀ-ում ՀԱՊԿ առաքելության արդյունքներն ու ՀՀ-ին օգնության հարցը կքննարկեն Հավաքական անվտանգության խորհրդի արտահերթ նստաշրջանում, հայտնում է News.ru-ն։ Նա հավելել է, որ այժմ քննարկվում է առաջիկայում ՀԱՊԿ արտահերթ նստաշրջան գումարելու հարցը։ Ենթադրվում է, որ առաջիկա նիստը կանցնի անդամ պետությունների ղեկավարների տեսակոնֆերանսի ձևաչափով։ Զախարովան չի մանրամասնել, թե կոնկրետ ինչ օգնության մասին է խոսքը։ Նա հավելել է, որ պաշտոնական տեղեկատվությունը կներկայացնեն ՀԱՊԿ քարտուղարությունն ու ՌԴ ԱԳՆ-ն։ «ՀԱՊԿ անդամները պետք է բոլոր հարցերը համատեղ լուծեն ու համաձայնեցնեն։ Դա հավաքական անվտանգության մասին պայմանագիր է, ուստի բոլոր որոշումները հավաքական են լինելու»,-ասել է Զախարովան։ Ավելի վաղ ՌԴ ԱԳ նախարար Սերգեյ Լավրովը հայտարարել է, որ ՀԱՊԿ-ը պատրաստ է իր դիտորդներին ուղարկել Հայաստան, դրա համար պահանջվում է միայն Հավաքական անվտանգության խորհրդի որոշումը։ Եվրոպական քաղաքական համայնքի գագաթնաժողովի շրջանակում Պրահայում հոկտեմբերի 6-ին տեղի է ունեցել ՀՀ վարչապետ Նիկոլ Փաշինյանի, Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի քառակողմ հանդիպումը, որի արդյունքում հայտարարություն է ընդունվել, որով կողմերը հաստատել են հանձնառությունը, որ ճանաչում են միմյանց տարածքային ամբողջականությունն ու ինքնիշխանությունը և համաձայնություն են տվել ԵՄ քաղաքացիական առաքելության տեղակայմանը ՀՀ-Ադրբեջան սահմանին, որի առավելագույն ժամկետը 2 ամիս է։ Ուշագրավ Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները | Շարժումը ԵՄ գրասենյակից պահանջում է պատժամիջոցներ կիրառել Ալիևի նկատմամբ Մյուս պահանջը վերաբերում էր Հայաստանում իրականացվող քաղաքական հետապնդումներին Քարկոփի ժամանակավոր հետիոտնային կամուրջը Դեբեդի նոր վարարման հետևանքով փլուզվել է Կամուրջը մի քանի օր առաջ էր տեղադրվել, որով Ախթալայի և 6 գյուղերի բնակիչները կարողանում էին կապ հաստատել «Երևանի գինու օրերը»՝ Ակբա բանկի հետ Այս տարի 12-ով ավելացել է մասնակից գինեգործների թիվը՝ հասնելով 87-ի Օ՛Բրայեն. ՀՀ հետ առևտուրն ընդլայնելու, գլոբալ առևտրում երկրի մասնաբաժինը մեծացնելու հնարավորություն կա Նա նշել է, որ մաքսային ոլորտում տեղեկատվության փոխանակման մասին համաձայնագիր կստորագրվի |