Լեհաստանի նախագահ. Ստույգ տեղեկություն չկա, թե ում հրթիռներն են ընկել երկրում

PanARMENIAN.Net - Լեհաստանի նախագահ Անջեյ Դուդան հայտարարել է, որ ստույգ տեղեկություններ չունեն, թե ում հրթիռներն են ընկել երկրի տարածքում։

Մինչդեռ ավելի վաղ Լեհաստանի ԱԳՆ-ն հայտարարել էր, որ երկրի տարածքում ընկել է «ռուսական արտադրության հրթիռ»։ Վարշավայում ՌԴ դեսպան Սերգեյ Անդրևին կանչել էին ԱԳՆ, հայտնում է ՌԻԱ Նովոստին։

«Մենք հստակ գիտենք, որ ամբողջ օրվա ընթացքում շարունակվել է ՌԴ հրթիռային գրոհը Ուկրաինայի դեմ, սակայն, այս պահի դրությամբ միանշանակ ապացույցներ չկան, թե ով է արձակել հրթիռը։ Քննչական գործողություններ են իրականացվում»,-ասել է նա։

Ըստ նրա, ոչինչ չի հուշում, որ միջադեպը կարող է կրկնվել։

«Տվյալ պահին կարելի է ասել, որ տեղի ունեցածը եզակի դեպք է»,-ասել է նա։

ՌԴ ՊՆ-ն իր հերթին հայտնել է, որ լեհ-ուկրաինական սահմանի մոտ թիրախներին հարվածներ չեն հասցվել, իսկ «ռուսական հրթիռների» մասին հաղորդագրությունները սադրիչ բնույթ են կրում։

ԱՄՆ նախագահ Ջո Բայդենը ևս քիչ հավանական է համարել, որ հրթիռները Ռուսաստանից արձակված լինեն, հայտնում է BBC-ն։

Լեհաստանի ԶԼՄ-ները նոյեմբերի 15-ին հայտնել էին, որ Լեհաստանի տարածքում 2 հրթիռի ընկնելու մասին՝ Լյուբլինի շրջանում, որը սահմանակից է Ուկրաինային, որի արդյունքում 2 մարդ է զոհվել։