Ապրիլի 17-ին Հայաստանի Ազգային պատկերասրահում բացվում է Մինաս Ավետիսյանի աշխատանքների ցուցահանդեսը16 ապրիլի 2009 - 21:24 AMT PanARMENIAN.Net - Ապրիլի 17-ին Հայաստանի Ազգային պատկերասրահում բացվում է հայազգի անվանի նկարիչ Մինաս Ավետիսյանի աշխատանքների ցուցահանդեսը: Այն նվիրված է նկարչի 80-ամյակին եւ կազմակերպվել է Հայաստանի Մշակույթի նախարարության, Հայկական մշակույթի զարգացման «Մինաս» ֆոնդի կողմից:«Այս յուրահատուկ ցուցահանդեսը վաղուց էր նախատեսվում: 10 տարիների ընթացքում առաջին անգամ է կազմակերպվում ռետրոսպեկտիվ ցուցահանդես, որի մեջ ընդգրկվել են Մինասի ստեղծագործության բոլոր փուլերի աշխատանքները»,- հայտնել է Հայաստանի մշակույթի նախարարի խորհրդական Սոնա Հարությունյանը: Հրատարակման է պատրաստվում ցուցահանդեսում ներկայացված Մինաս Ավետիսյանի գործերի հոբելյանական անվանացանկը: Անվանացանկում ներածական հոդված է գրել եվրոպացի հայտնի արվեստաբան, Ֆրայբուրգի Ալբերտ Լյուդվիգի անվան համալսարանի արվեստաբանության ամբիոնի ղեկավար, պրոֆեսոր Վիլհելմ Շլինկը: «Հոբելյանական ցուցահանդեսի եւ անվանացուցակի նախագիծը պետական կառույցների եւ մասնավոր սեկտորի համագործակցության վառ օրինակ է»,- նշել է Սոնա Հարությունյանը: «Հայկական մշակույթի զարգացման ֆոնդի» նախագահ Մեցցո Սահակյանը նշել է. «Այս նախագծին մասնակցելը մեզ համար մեծ պատիվ է: Մեկ տարվա ընթացքում ընթացել է ցուցահանդեսի նախապատրաստումը, մեծ աշխատանք է տարվել` պատկերների մշակում, խմբագրական աշխատանք, նկարչի աշխատանքների եւ թեմաների ընտրություն: Մեծ դեր է խաղացել «Մինաս» ֆոնդը: «Անվանացանկը յուրահատուկ է իր բովանդակությամբ: Փորձ է արվել նորովի ներկայացնելու Մինասին, եւ հրատարակության մեջ կարելի է գտնել նրա ստեղծագործության բոլոր փուլերի աշխատանքների վերականգնումները»,- նշել է Մինաս Ավետիսյանի ծննդավայր Ջաջուռի տուն-թանգարանի տնօրեն, Մինասի որդի Արման Ավետիսյանը: Մինաս Ավետիսյանը ծնվել է Ջաջուռ գյուղում (Ախուրյանի շրջան) 1928թ. հուլիսի 20-ին գյուղացու ընտանիքում: Սովորել է Երեւանի Փ. Թերլեմեզյանի անվան ուսումնարանում (1947-1952), Երեւանի գեղարվեստա-թատերական ինստիտուտում (1952-1954), Լենինգրադի Ի.Ե. Ռեպինի անվան Գեղանկարչության, քանդակագործության եւ ճարտարապետության ինստիտուտում (1952-1954), որտեղ նրա գլխավոր ուսուցիչներից էր Բ.Վ. Յոհանսոնը: 1960-ից ապրել է Երեւանում: Ավետիսյանի հասուն գործերում` գունային առումով հակադրվող, խոշոր էքսպրեսիվ վրձնահարվածներով նկարած, նոր կյանք են ստացել ֆովիզմի սկզբունքները: Նրա ստեղծագործություններում զգալի հետք են ունեցել անդրկովկասյան միջնադարյան մշակույթի ավանդույթները: Հաջողությամբ հանդես է եկել նաեւ որպես թատերական նկարիչ (Ա.Խաչատրյանի «Գայանե» բալետի բեմադրությունը Ա. Սպենդիարովի անվան օպերայի եւ բալետի թատրոնում, 1974, եւ այլն) եւ գեղանկարիչ-մոնումենտալիստ (Գյումրիում գործարանային ինտերյերների նկարազարդում, 1970-1974): Ավետիսյանը Երեւանում 1975-ի փետրվարի 24-ին ողբերգական վախճան ունեցավ ավտովթարից: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |