«Ադրբեջանը չի վախենում Իրանից». Ալիևը խոսել է Իրանի հետ առճակատման մասին25 նոյեմբերի 2022 - 14:29 AMT PanARMENIAN.Net - Ադրբեջանի նախագահ Իլհամ Ալիևը խոսել է Իրանի հետ առճակատման մասին՝ նշելով, թե աշխատել է այդ երկրի նախկին 3 նախագահի հետ և երբեք իրավիճակն այսօրվանին նման չի եղել։ «Ես աշխատել եմ Իրանի 3 նախկին նախագահի՝ Հաթամիի, Ահմադինեժադի և Ռոհանիի հետ, և այդ երկար տարիների ընթացքում երբեք իրավիճակն այսօրվանին նման չի եղել։ Երբեք Իրանը մի քանի ամսում 2 զորավարժություն չի անցկացրել մեր սահմանների մոտ։ Երբեք Ադրբեջանի հասցեին այդքան սպառնալիքներ և ատելությամբ լի հայտարարություններ չեն արվել»,-ասել է Ալիևը՝ հավելելով, որ Ադրբեջանը չի վախենում Իրանից, գրում է Haqqin/az-ը։ Ալիևն այդ մասին ասել է «Միջին միջանցքի երկայնքով. սշխարհաքաղաքականություն, անվտանգություն և տնտեսություն» խորագրով միջազգային համաժողովում։ Նա ասել է, թե Բաքուն միշտ պատասխանել և պատասխանելու է «հակաադրբեջանական քայլերին»։ «Մենք ստիպված էինք զորավարժություններ սկսել Իրանի հետ սահմանին՝ ցուցադրելու համար, որ չենք վախենում նրանցից»,-ասել է նա։ Ալիևը նաև հավելել է, թե ամեն ինչ անելու են` պահպանելու համար Ադրբեջանի և ադրբեջանցիների «աշխարհիկ զարգացումը, այդ թվում Իրանում ապրող ադրբեջանցիների»։ «Նրանք մեր ազգի մասն են»,-ասել է Ալիևը։ Թեհրան–Բաքու առճակատումը վերջին ամիսներին դրսևորվում է ոչ միայն զորավարժությունների տեսքով, այլ նաև տեղեկատվական առումով։ Ադրբեջանական հեռուստաալիքները տարածքային հավակնություններ են ներկայացնում Իրանին, Ադրբեջանում 5 քաղաքացու են ձերբակալել՝ մեղադրելով Իրանի օգտին լրտեսություն անելու, պետական դավաճանության մեջ: Իրանի մեջլիսում հայտարարել են, որ «եթե Գյուլիստանի պայմանագիրը չկատարվեր, Ադրբեջանը կլիներ Իրանի մի մասը, և նա չէր կարող դառնալ այդ երկրի նախագահը»։ Թյուրքական երկրների նախագահների գագաթնաժողովում Ալիևը պատմել էր 40 միլիոն ճնշված ադրբեջանցիների մասին՝ նկատի ունենալով Իրանի տարածքի ադրբեջանցիներին: Ընթերցեք նաև․ Իրան–Ադրբեջան առճակատում՝ տարածքային պահանջներով և լրտեսական սկանդալով Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ |