Ադրբեջանցիներն ու ՌԴ խաղաղապահները պայմանավորվել են «Ղարաբաղում ապօրինի արդյունահանման ճանապարհային քարտեզ մշակել» 5 դեկտեմբերի 2022 - 12:17 AMT PanARMENIAN.Net - Ադրբեջանի ներկայացուցիչներն ու Արցախում տեղակայված ՌԴ խաղաղապահները պայմանավորվել են «Ղարաբաղում ապօրինի արդյունահանման ճանապարհային քարտեզ մշակել», գրում է Interfax.az-ը։ Ադրբեջանի բնապահպանության և բնական ռեսուրսների նախարարությունը հայտնել է, որ Ղարաբաղ էր գործուղվել ադրբեջանցի մասնագետների մի խումբ, որը պետք է «հետաքննի և մշտադիտարկի բնական պաշարևների ապօրինի շահագործումն ու դրա բնապահպանական հետևանքները»։ Քննարկումը տեղի է ունեցել դեկտեմբերի 3-ին Իվանյան (Խոջալու) գյուղում տեղակայված խաղաղապահ ուժերի հրամանատարության հետ։ Մասնակցել են նաև AzerGold ՓԲԸ ներկայացուցիչները։ Նշվում է, որ քննարկումից հետո Ադրբեջանի ներկայացուցիչները վերադարձել են Շուշի։ «Խաղաղապահ ուԺերի շտաբում տեղի ունեցած քննարկումների արդյունքում սկսվել է ճանապարհային քարտեզի մշակումը՝ Ադրբեջանի բնապահպանության և այլ հաստատությունների մասնակցությամբ, նշված ուղղությամբ աշխատանքների իրականացման նպատակով»,-ասել են ադրբեջանական նախարարությունից։ Դեկտեմբերի 3-ին Արցախի տեղեկատվական շտաբը հայտնել էր, որ Շուշի-Քարին տակ խաչմերուկի հատվածում քաղաքացիական հագուստներով մի խումբ ադրբեջանցիներ բնապահպանական պատճառաբանությամբ փակել են Ստեփանակերտ-Գորիս մայրուղին: Ադրբեջանական կողմի հետ ավելի քան երեք ժամ տևած բանակցություններից հետո Արցախը Հայաստանին կապող միակ մայրուղին երկկողմանի բացվել է բոլոր տեսակի տրանսպորտային միջոցների երթևեկության համար։ Photo. AFP Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |