Ադրբեջանի ԱԳՆ-ն բողոքել է Լաչինի միջանցքի հարցում Բաքվի նկատմամբ «միջազգային երկակի ստանդարտներից» 19 հունվարի 2023 - 16:17 AMT PanARMENIAN.Net - Ադրբեջանի ԱԳ փոխնախարար Խալաֆ Խալաֆովը լրագրողների հետ զրույցում բողոքել է Լաչինի միջանցքի փակման հարցում մի շարք միջազգային կազմակերպությունների ու երկրների «երկակի ստանդարտներից»։ «Ցավոք, ինչպես 90-ականներին, այսօր էլ այն բանի վկաներն ենք, թե ինչպես են երկակի ստանդարտներ կիրառվում Ադրբեջանի նկատմամբ»,-ասել է Խալաֆովը, գրում է APA-ն։ Նշելով, որ բնապահպան ակտիվիստները և հասարակական կազմակերպությունների անդամները հանքավայրերի ապօրինի շահագործման բողոքի ակցիա են իրականացնում՝ նա միևնույն ժամանակ «բացահայտել է», որ նպատակը Լաչինի միջանցքում վերահսկողություն հաստատելն է։ «Ակցիան անցկացվում է Ադրբեջանի հողերի վրա, և անկախ երկակի ստանդարտներից, Ադրբեջանի ժողովուրդը պահանջելու է իր իրավունքներն ու հասնելու է իր նպատակին։ Ադրբեջանը, որպես իր տարածքների անվտանգության երաշխավոր, բոլոր իրավունքներն ունի ապահովելու Լաչինի ճանապարհի լիակատար վերահսկողությունը, մեր ինքնիշխան իրավունքներին համապատասխան։ Այդ ակցիան հասարակական-քաղաքական շարժում է»,-ասել է Խալաֆովը։ Եվրախորհրդարանը պահանջել է Ադրբեջանի իշխանություններից անհապաղ վերականգնել Լաչինի միջանցքով տեղաշարժի ազատությունը և խստորեն դատապարտել Հայաստանի ինքնիշխան տարածքի նկատմամբ Ադրբեջանի 2022թ. սեպտեմբերի ագրեսիան։ Դեկտեմբերի 12-ին Լաչինի միջանցքի Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ կրկին բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին: Դեկտեմբերի 13-ին Ադրբեջանը նաև փակել էր գազի մուտքը Լեռնային Ղարաբաղ, որի մատակարարումը վերականգնվել է դեկտեմբերի 16-ի առավոտյան։ Հունվարի 10-ից Արցախում հովհարային անջատումներ են սկսվել, քանի որ ադրբեջանական կողմի ապակառուցողական դիրքորոշման պատճառով հնարավոր չէ իրականացնել շրջայց և կազմակերպել վթարավերականգնողական աշխատանքներ Գորիս-Ստեփանակերտ 110 կՎ Արցախը Հայաստանից սնուցող միակ բարձրավոլտ գծի 33-րդ կմ-ում, որտեղ վթար է եղել։ Հունվարի 12-ի երեկոյան ընդհատվել էր ֆիքսված ինտերնետ և բջջային հեռախոսային կապն Արցախի հետ։ Մեկ օր անց ինտերնետի հասանելիությունն ԱՀ ամբողջ տարածքում վերականգնվել է։ Հունվարի 17-ին Ադրբեջանը կրկին խափանել է ՀՀ-ից Արցախ տանող գազատարով գազի մատակարարումը, նույն օրը երեկոյան մատակարարումը վերականգնվել է։ Հունվարի 18-ի առավոտյան գազը կրկին անջատվել է։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
