The Guardian. Խաչանովի ուղերձները նույնքան ուշագրավ էին, որքան նրա թենիսը25 հունվարի 2023 - 14:53 AMT PanARMENIAN.Net - Բրիտանական The Guardian-ը, անդրադառնալով ՌԴ-ն ներկայացնող հայազգի թենիսիստ Կարեն Խաչանովի վերընթաց կարիերային, որը դուրս է եկել Australian Open-ի կիսաեզրափակիչ, նշել է, որ Խաչանովի ուղերձները նույնքան ուշադրություն են գրավել, որքան նրա թենիսը՝ նկատի ունենալով Արցախին աջակցող գրառումները։ Australian Open-ի երրորդ փուլում ամերիկացի Ֆրենսիս Տիաֆոյին հաղթելուց հետո Խաչանովը աջակցություն է հայտնել շրջափակված Արցախին։ Նա գրել է տեսախցիկի օբյեկտիվի վրա՝ Artsakh Stay Strong!!! (Արցախ, պինդ մնա)։ Խաչանավը չորրորդ փուլում կրկին հաղթանակ է տարել, դուրս գալով Australian Open-ի քառորդ եզրափակիչ, և կրկին խաղից հետո գրառում է արել տեսախցիկի օբյեկտիվի վրա՝ սատարելով Արցախին։ «Շարունակիր հավատալ մինչև վերջ։ Արցախ, պի՛նդ մնա»,-գրել է նա։ «Գրելով Artsakh, Stay Strong՝ Խաչանովը նկատի ուներ Հայաստանի և Ադրբեջանի միջև գտնվող վիճելի տարածքի շրջափակումը դեկտեմբերի կեսից,որը հայտնի է որպես Լեռնային Ղարաբաղ»,- ասվում է հոդվածում։ Նշվում է, որ Խաչանովի հայրը՝ Աբգարը, ծնունդով Հայաստանից է, մայրաքաղաք Երևանից։ Պարբերականը նաև դրվագներ է մեջբերել Խաչանովի հարցազրույցից, որտեղ նա ասել է, որ հայկական արմատներ ունի։ «Հոր կողմից, պապիկիս, նույնիսկ՝ մորս կողմից։ Ես կիսով չափ հայ եմ։ Ես ուղղակի ուզում էի իմ աջակցությունը հայտնել և ուժ հաղորդել իմ ժողովրդին»,-ասել է նա։ «Խաչանովի աջակցությունը լրացուցիչ լույս է սփռում Հայաստանի և Ադրբեջանի միջև տարածքային հակամարտության վրա, որն ավելի քան 30 տարի շարունակվում է։ Վերջին մեծ հակամարտությունը 44-օրյա պատերազմն էր, որը տեղի է ունեցել 2020 թվականին»,- ասվում է հոդվածում։ Նշվում է նաև, որ պատերազմից հետո ստորագրված համաձայնագրով ռուսական խաղաղապահ ուժեր են տեղակայվել Լաչինի միջանցքում, որը միակ ճանապարհն է, որը կապում է ԼՂ-ն Հայաստանի հետ, որտեիղց բեռներ են ներկրվում այդ տարածք։ «Արդեն 40 օրից ավելի է, ինչ ադրբեջանցի ցուցարարները արգելափակել են ճանապարհը՝ կասեցնելով բեռների, սննդամթեքրի և դեղորայքի ներկրումը Լեռնային Ղարաբաղ։ ՀՀ կառավարությունը հայտարարել է, որ ցուցարարներին Ադրբեջանի կառավարությունն է ուղարկել։ Ադրբեջանը վիճարկում է շրջափակման առկայությունը»,- ասվում է հոդվածում։ Նշվում է նաև, որ Ադրբեջանի թենիսի ֆեդերացիան պահանջել է պատժել Խաչանովին իր գրառումների համար։ Դեկտեմբերի 12-ին Լաչինի միջանցքի Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ կրկին բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին: Դեկտեմբերի 13-ին Ադրբեջանը նաև փակել էր գազի մուտքը Լեռնային Ղարաբաղ, որի մատակարարումը վերականգնվել է դեկտեմբերի 16-ի առավոտյան։ Հունվարի 10-ից Արցախում հովհարային անջատումներ են սկսվել, քանի որ ադրբեջանական կողմի ապակառուցողական դիրքորոշման պատճառով հնարավոր չէ իրականացնել շրջայց և կազմակերպել վթարավերականգնողական աշխատանքներ Գորիս-Ստեփանակերտ 110 կՎ Արցախը Հայաստանից սնուցող միակ բարձրավոլտ գծի 33-րդ կմ-ում, որտեղ վթար է եղել։ Հունվարի 12-ի երեկոյան ընդհատվել էր ֆիքսված ինտերնետ և բջջային հեռախոսային կապն Արցախի հետ։ Մեկ օր անց ինտերնետի հասանելիությունն ԱՀ ամբողջ տարածքում վերականգնվել է։ Հունվարի 17-ին Ադրբեջանը կրկին խափանել է ՀՀ-ից Արցախ տանող գազատարով գազի մատակարարումը, նույն օրը երեկոյան մատակարարումը վերականգնվել է։ Հունվարի 18-ի առավոտյան գազը կրկին անջատվել է, հետո միացվել է 1 օրով թույլ ճնշմամբ և հունվարի 21-ի երեկոյան կրկին ամբողջությամբ արգելափակել։ Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |