Նյու Յորքի «Մետրոպոլիտեն» թանգարանը Այվազովսկուն որպես հայ նկարիչ է ներկայացրել` փոխելով մոտեցումը 4 մարտի 2023 - 11:29 AMT PanARMENIAN.Net - Նյու Յորքի «Մետրոպոլիտեն» թանգարանը, որը փետրվարին հայտնի ծովանկարիչ Հովհաննես Այվազովսկուն «դարձրել էր» ուկրաինացի նկարիչ, փոխել է մոտեցումը՝ նրան որպես հայ նկարիչ ներկայացնելով։ Այժմ նկարչի կտավներն ուղեկցող գրություններում նշված է նրա ազգությունը, գրում է ՌԲԿ-ն։ Փետրվարի 12-ին հայտնի դարձավ, որ թանգարանն Այվազովսկուն որպես ուկրաինացի նկարիչ է ներկայացրել։ Մինչ այդ հայտնի ծովանկարիչն Արևմուտքում ավանդաբար ներկայացվում էր որպես գեղանկարչության ռուսական դպրոցի ներկայացուցիչ։ Դրանից հետո տարածաշրջանային հայկական ազգային-մշակութային ինքնավարության նախագահ Գեորգի Հակոբյանը «Ղրիմ 24»-ի եթերում հայտարարել էր, որ Ղրիմի հայ համայնքը միանշանակ դիրքորոշում ունի՝ Այվազովսկին ծնվել է հայկական ընտանիքում, Ռուսական կայսրության Թեոդոսիա քաղաքում և ոչ մի կերպ չի կարող ուկրաինացի լինել։ Այժմ Ղրիմում ծնված և ստեղծագործած Այվազովսկու «Նավը՝ լուսնի լույսի տակ» կտավն ուղեկցվում է հետևյալ գրությամբ՝ «հայ, ծնվել է Ռուսական կայսրությունում (այժմ՝ Ուկրաինա)»։ Մեծ ծովանկարիչը ստեղծել է մոտ 6000 կտավ։ Աշխատել է շատ արագ, տեսողական վիթխարի հիշողությամբ։ Պատկերել է հիմնականում ծովը՝ օրվա տարբեր ժամերին, տարվա բոլոր եղանակներին: Այվազովսկու գործերն աճուրդով վաճառվել են մինչև 2 միլիոն 125 հազար ամերիկյան դոլարով։ 2012-ի հունվարին Sotheby’s աճուրդի տան Նյու Յորքի մասնաճուղում տեղի ունեցած հին և 19-րդ դարի արվեստի նմուշների աճուրդում ամենաթանկ վաճառված արվեստի գործը Հովհաննես Այվազովսկուն վերագրվող «Նավը ծովում» կտավն էր, որը վաճառվել է 122,500 դոլարով: Այն թվագրվում է 1895-ին: Հովհաննես Այվազովսկու «Վենետիկյան տեսարան. Սան Ջորջո» կտավը 2012-ին Sotheby’s աճուրդի տան Լոնդոնի մասնաճյուղում վաճառվեց 1.01 մլն ֆունտով` 1.62 մլն դոլարով: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |