Վարչապետ․ Ադրբեջանն իրադրությունը զարգացնում է դեպի նոր էսկալացիա23 մարտի 2023 - 12:49 AMT PanARMENIAN.Net - ՀՀ վարչապետ Նիկոլ Փաշինյանը կառավարության նիստում, անդրադառնալով Երասխում հակառակորդի կրակոցից հայ զինծառայողի սպանությանը, ասել է, որ Արշակ Սարգսյանը սպանվել է «ադրբեջանական կողմից նպատակային կրակոցով»։ Նա տեղի ունեցածը որակել է հրեշավոր սադրանք՝ միջազգային հանրության ուշադրությունը հրավիրելով այն ակնհայտ փաստի վրա, որ «Ադրբեջանն իրադրությունը զարգացնում է դեպի նոր էսկալացիա»: Վարչապետը հավելել է, որ միջազգայնորեն ձեռք բերած պայմանավորվածությունների նման անպատիժ խախտումները քաջալերում են Ադրբեջանին նոր խախտումներ կատարել։ Վարչապետն անդրադարձել է նաև Ադրբեջանի պետական մակարդակով վարվող «Արևմտյան Ադրբեջանի» անհեթեթ խոսույթին, որը բացահայտ ոտնձգություն է ՀՀ ինքնիշխան տարածքի նկատմամբ։ Նա նշել է, որ Բաքուն մեկ այլ անհեթեթ մեղադրանք է հորինել՝ թե Հայաստանը մոնոէթնիկ երկիր է և Հայաստանում չկան ազգային փոքրամասնություններ։ Նշելով, որ ՀՀ ազգային փոքրամասնությունները ներկայացված են ԱԺ-ում՝ Փաշինյանը հավելել է, որ Ադրբեջանում ազգային փոքրամասնության ներկայացուցիչների նկատմամբ հետապնդումները կրում են համակարգային բնույթ: Մարտի 22-ին՝ ժամը 16:20-ի սահմաններում, Երասխի հատվածում տեղակայված մարտական դիրքում հակառակորդի կրակոցից հրազենային մահացու վիրավորում է ստացել ՊՆ N զորամասի զինծառայող Արշակ Սերյոժայի Սարգսյանը: Ուշագրավ Փաշինյանը շնորհակալություն է հայտնել Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Ամենաընթերցվողը բաժնում | Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ Փաշինյանն աղետի գոտի է այցելել Նա այցելել է Վանաձոր-Ալավերդի միջպետական ճանապարհի Մարց գյուղի հատված |