Վարժական հավաքների մասնակիցների աշխատավարձը կպահպանվի23 մարտի 2023 - 13:26 AMT PanARMENIAN.Net - Վարժական հավաքների մասնակիցների աշխատավարձն ամբողջությամբ կպահպանվի։ Կառավարությունը հավանություն է տվել «Հայաստանի Հանրապետության աշխատանքային օրենսգրքում լրացումներ կատարելու մասին» ՀՀ օրենքի նախագծին և անհետաձգելի համարել այն: Աշխատավարձի մի մասը կտա ՊՆ-ն, մյուսը՝ գործատուն։ Աշխատանքի և սոցիալական հարցերի նախարար Նարեկ Մկրտչյանը մանրամասնել է, որ, օրինակ, եթե աշխատողի հիմնական աշխատավարձը կազմում 200,000 դրամ, որպես դրամական հատուցում ՊՆ-ն կտա 80,000 դրամը, իսկ գործատուն՝ մնացածը՝ առնվազն 120,000 դրամ։ Ըստ գործող կարգի՝ և պետական, և մասնավոր ոլորտում գործատուն չունի պարտավորություն աշխատավարձ վճարելու վարժական հավաքի մասնակցին, միայն պահպանվում է աշխատատեղը ու պաշտոնը։ Նախագիծը նպատակ ունի հստակեցնելու վարժական հավաքների կանչված ու աշխատող պահեստազորայինների աշխատանքի վայրում աշխատավարձի պահպանման հետ կապված հարաբերությունները։ Առաջարկվող կարգավորումը հնարավորություն կտա վարժական հավաքների ներգրավված աշխատողների աշխատավարձը պահպանել ամբողջությամբ։ Վարչապետ Նիկոլ Փաշինյանը կարևորել է նախագիծը և նշել, որ վարժական հավաքների պլանն իրագործելիս որոշակի տոկոսից ավելի նույն հիմնարկից աշխատողների չպետք է հրավիրեն հավաքի, որ անհամաչափ ծանրաբեռնվածություն չառաջանա։ Հայաստանում 2023թ. ապրիլի 15-ից մինչև հունիսի 15-ը նախատեսվում է անցկացնել պահեստազորայինների վարժական հավաքներ։ Նախագիծը ներառված էր կառավարության նիստում։ Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Սիֆրեդին՝ Փաշինյանին․ Ֆրանսիայի Օ-դը-Սենի շրջանը պատրաստ է աջակցել ջրհեղեղից տուժած Տավուշին Փաշինյանը կարևորել է ենթակառուցվածքները վերականգնելու ուղղությամբ փոխգործակցությունը Լոռիում, Տավուշում և Սյունիքում ջերմաստիճանը կբարձրանա 8-10 աստիճանով Մայրաքաղաքում մայիսի 28–ի ցերեկը սպասվում է +27 աստիճան, իսկ մայիսի 31–ին՝ +30 «Ֆասթ Շիֆթի» աջակցությամբ կայացել է «Հայրի՛կ, իմ մոտ ամեն ինչ լավ է» գրական երեկոն Երաժշտության ներքո հնչել են բանաստեղծություններ և արձակ ստեղծագործություններ ՊԵԿ․ Դեպի Բագրատաշեն ճանապարհի երթևեկությունը վերականգնված է, բայց որոշ հատվածներում միակողմանի է ՊԵԿ–ը հորդորում է նշված տեղամասերով երթևեկել խիստ անհրաժեշտության դեպքում |