Անդրեասյան․ ՀՀ-ում ռուսական դպրոցներ բացելու առաջարկի մասով հնարավոր 2 պատկերացում կա24 մարտի 2023 - 17:40 AMT PanARMENIAN.Net - ԿԳՄՍ նախարար Ժաննա Անդրեասյանը, պատասխանելով ՀՀ-ում ռուսական դպրոցներ բացելու անհրաժեշտության մասին ՌԴ ԱԳ նախարարի հայտարարության վերաբերյալ հայկական կողմի մոտեցման մասին հարցին, նշել է, որ այդ հարցի վերաբերյալ հնարավոր 2 պատկերացում կա։ «Մեր երկրում պետական լեզուն մեկն է, և դա հայերենն է: Ինչ վերաբերվում է համատեղ ծրագրին ռուսական կողմի հետ, որը պետք է լինի հանրակրթական մակարդակում որոշակի հաստատությունների ձևաչափով, դեկտեմբերին կայացավ հայ-ռուսական միջկառավարական հանձնաժողովի նիստը, որտեղ հստակ արձանագրվեց, որ պետք է քննարկենք դրա կոնցեպտը»,- ասել է նա, հայտնում է «Առավոտը»։ Նա հավելել է, որ աշխատանքային խումբն արդեն ձևավորվել է թե ռուսական, թե հայկական կողմի ներկայացուցիչների մասնակցությամբ: «Մենք ունենք մեր պատկերացումները, թե ինչպիսի համատեղ նախագծի մասին կարող է խոսք լինել, ինչը ես հնչեցրել եմ: Ունենք շատ լավ համատեղ ծրագրի օրինակ՝ հայ-չինական դպրոցի մասով, որտեղ ենթակառուցվածքների մասով Չինաստանի կառավարությունն արել է մեծ ներդրում, կառուցվել է դպրոցական նոր շենքը, հագեցվել է սարքավորումներով, գույքով, այնուհետև համատեղ աշխատանք ենք անում բովանդակության մասով: Այսինքն` այս դպրոցում կա չինարենի, ինչպես նաև Չինաստանի մշակույթի, պատմության ուսուցման հնարավորություն, ու մասնագետներ են գործուղվում Չինաստանի կառավարության կողմից, ֆինանսական հավելյալ օժանդակություն է տրվում: Սա այն է, ինչ մենք արդեն իսկ ունենք որպես համատեղ ծրագրի օրինակ, ինչը ռուսական կողմին արդեն իսկ ներկայացրել ենք»,-ասել է նա: Նախարարը նշել է, որ երկրորդ հնարավորությունը, որ քննարկել են, կրթության կազմակերպման հարցն է ՌԴ քաղաքացիների համար, որոնց մեծ հոսք է եղել Հայաստան վերջին տարվա ընթացքում: «Եթե այդ քաղաքացիների համար կրթության կազմակերպման անհրաժեշտություն կա, որպեսզի հնարավորություն ունենան սովորելու, այսպես կոչված, ռուսական դպրոցում, որը նրանց հետո հնարավորություն կտա հետագա կրթության շարունակման, սա, իհարկե, նույնպես կարող ենք քննարկել: Հիմա ընթանում են քննարկումները, արդյունքների մասին վստահաբար կներկայացնենք: Քննարկումները, բնականաբար վարում ենք մեր օրենսդրության շրջանակներում»,-ասել է Անդրեասյանը: Հայաստանում ռուսերենով ուսուցմամբ 3 դպրոց կա, որտեղ սովորում են ՌԴ-ում տեղակայված զինծառայողների և սահմանապահների, ինչպես նաև ՌԴ քաղաքացիներi երեխաները։ Նաև մի քանի տասնյակ հայկական դպրոց կա ռուսերենի խորացված ուսուցմամբ։ Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Փաշինյան. Առաջին անգամ Հայաստանը և Ադրբեջանը սեղանի շուրջ հարց են լուծել, պետք է գնահատենք «Շատ կարևոր է արձանագրել»,–ասել է նա |