Ալիև․ Բավականին շահեկան դիրքեր ունենք ՀՀ հետ սահմանի ուղղությամբ28 մարտի 2023 - 17:39 AMT PanARMENIAN.Net - Ադրբեջանի նախագահ Իլհամ Ալիևը Լաչինի շրջանում իր կողմից նախագահի հատուկ ներկայացուցիչ նշանակված Մասիմ Մամեդովի հետ հանդիպմանն ասել է, որ Ադրբեջանը բավականին շահեկան դիրքեր ունի ադրբեջանա-հայկական սահմանի ուղղությամբ։ «Այսօր շատ շահեկան դիրքեր ունենք ադրբեջանա-հայկական սահմանի ուղղությամբ, ամրապնդվում ենք այդ դիրքերում և այդ դիրքերում մնալու ենք։ Իհարկե, Լաչինի շրջանի անվտանգության ապահովման ուղղությամբ այլ քայլեր ևս ձեռնարկվում են և այդ միջոցները թույլ կտան այնտեղ վերադարձող մեր հայրենակիցներին ապրել հարմարավետ ու անվտանգ»,- ասել է Ալիևը, հայտնում է Haqqin.az-ը։ Նա նշել է, որ Հայաստանի հետ սահմանի երկայնքով բոլոր ամրաշինական և ինժեներական աշխատանքները, կարելի է ասել, ավարտական փուլում են։ «Աննախադեպ ճանապարհաշինություն է իրականացվել Լաչինի և Քելբաջարի շրջաններում՝ հարյուրավոր կիլոմետրեր են կառուցվել, այդ թվում՝ դեպի մարտական դիրքեր»,- ասել է Ալիևը։ Մի քանի օր առաջ Ալիևը օկուպացված Թալիշում հայտարարել էր, թե Հայաստանը հանգիստ ապրելու համար պետք է ընդունի Ադրբեջանի պայմանները։ Ալիևը նաև ասել էր, որ հետպատերազմյան իրողությունները պետք է արտացոլվեն բանակցություններում, հակառակ դեպքում «ոչ մի խաղաղ պայմանագիր չի լինի»։ «Որպեսզի Հայաստանը կարողանա հանգիստ ապրել 29 հազար քկմ տարածքում, մեկ պայման կա՝ նրանք պետք է ընդունեն մեր պայմանները՝ պաշտոնապես Ղարաբաղը ճանաչեն Ադրբեջանի տարածք, մեր պայմանների հիման վրա սահմանազատման աշխատանքներ իրականացնեն»,-ասել է նա։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՀԿԵ–ն պարզում է աղետի գոտում վնասի չափը, վերականգնման աշխատանքներ տանում Իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումն ու կապը Fast Shift-ի օգտատերերը կարող են վճարել ՃՈ տուգանքները հավելվածում Հնարավոր է իրականացնել նաև կայանման համար նախատեսված կարմիր գծերի վճարումները Փոխվարչապետ Գրիգորյանը մասնակցում է ԵՏՀ խորհրդի նիստին Նա նախագահել է նիստը Ասողիկ աբեղա Կարապետյան․ Վարչապետի մեկնաբանությունն անպարկեշտ է, ավելին՝ անհեթեթ Նա նշել է, որ ոչ ոք իրավունք չունի խոչընդոտելու կամ կանգնեցնելու Ամենայն Հայոց հայրապետի շարժն ու այցը |