Ալիևը դեմ է Երասխում գործարանի կառուցմանը․ Կոչ է անում Երևանին «հրաժարվել վտանգավոր գործելաոճից»12 հուլիսի 2023 - 11:00 AMT PanARMENIAN.Net - Ադրբեջանի նախագահ Իլհամ Ալիևը իր երկրի սոցիալ-տնտեսական զարգացման հարցերին նվիրված խորհրդակցության ժամանակ խոսել է Երասխում ամերիկյան ներդրումներով կառուցվող մետալուրգիական գործարանի մասին՝ կոչ անելով Երևանին «հրաժարվել այդ վտանգավոր գործելաոճից»։ Նա ասել է, թե Ադրբեջանի դիրքորոշումը հիմնված է միջազգային փորձի, միջազգային կոնվենցիաների, այդ թվում Էսպոյի կոնվենցիայի վրա, գրում է ՏԱՍՍ-ը։ «Այնտեղ ասվում է, որ սահմանների մոտ այնպիսի ձեռնարկությունների կառուցումը, որոնք կարող են աղտոտման աղբյուր համարվել անդրսահմանային գետերի համար և բնապահպանական վտանգ ներկայացնել, պետք է համաձայնեցվեն հարևան երկրների հետ, և մենք պահանջում ենք դա Հայաստանից»,-ասել է նա։ Ըստ նրա, ադրբեջանական ՀԿ-ներն արդեն դիմել են ՀՀ իշխանություններին գործարանի կառուցման հարցով։ «Կարծում եմ, որ Ադրբեջանի կառավարությունը ևս չպետք է մի կողմ քաշվի։ Պետք է տեսնել, թե որ կազմակերպություններին է պետք դիմել պաշտոնական, պետական գծով, որպեսզի Հայաստանը հրաժարվի այդ վտանգավոր գործելաոճից։ Եթե ինչ-որ ձեռնարկություն են ուզում կառուցել, դա նրանց ներքին գործն է, բայց եթե այն մեր սահմանից 500 մետրի վրա է և այնտեղ վտանգավոր նյութեր են օգտագործվելու, դա արդեն մեր հարցն է»,-ասել է Ալիևը։ Հունիսի 13-ից Ադրբեջանի ԶՈւ-ն պարբերաբար կրակ էր բացում Երասխի ուղղությամբ։ Հունիսի 14-ին Ադրբեջանի ԶՈւ-ն կրակ է բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորում էր ստացել օտարերկրյա 2 քաղաքացի։ Ավելի ուշ հայտնի դարձավ, որ նրանք Հնդկաստանի քաղաքացիներ են։ Ավելի ուշ գործարանում տեղադրվեցին ՀՀ և ԱՄՆ դրոշները, սակայն կրակոցներն այդ ուղղությամբ շարունակվում են։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը | Հայաստանում անցկացվել է առաջին Bug Bounty մրցույթը Խոցելիություններ գտած մասնակիցները, ըստ դրա լրջության, պարգևատրվում են Շվեյցարացի մասնագետները Լոռիում են․ Գնահատելու են աղետից հետո ենթակառուցվածքների վիճակը Նրանք հետաղետային կարիքների խորքային գնահատում կիրականացնեն Պապիկյանը Բուլղարիայում պայմանավորվածություններ է ձեռք բերել ռազմարդյունաբերական ընկերությունների հետ Նա այցելել է «ՀԵՄՈՒՍ-2024» միջազգային ցուցահանդես Վերաբացվել են Ovio-ի վերափոխված և նորացված վաճառքի և սպասարկման սրահները Սրահները շարունակում են գործել նախկին հասցեներում |