«Ցեղասպանություն» տերմինի օգտագործումը ձեռնածությունների առիթ է տալիս

PanARMENIAN.Net - Հայոց ցեղասպանության զոհերի հիշատակի օրը ԱՄՆ նախագահ Բարակ Օբամայի կատարած հայտարարությունն ինչպես դրական, այնպես էլ բացասական հետեւանքներ ունի: Այդ մասին լրագրողների հետ հանդիպմանը հայտարարել է Երեւանի Հայոց ցեղասպանության թանգարան-ինստիտուտի տնօրեն, պատմաբան Հայկ Դեմոյանը: «Որպես Հայոց ցեղասպանության թանգարան-ինստիտուտի տնօրեն եւ այդ ոլորտի փորձագետ` ես «ցեղասպանություն» բառի օգտագործման մեջ լուրջ վտանգ են տեսնում, քանի որ դա ձեռնածությունների առիթ է տալիս»,- նշել է հայ պատմաբանը` ավելացնելով, որ այս հարցը գլոբալ խնդիր է հանդիսանում եւ չի վերաբերում միայն Հայոց ցեղասպանությանը:



Ինչպես նշեց Դեմոյանը, իր համար ավելի նախընտրելի կլիներ, եթե Բարակ Օբաման իր նախընտրական քարոզարշավի ընթացքում ընդհանրապես չխոստանար, որ կճանաչի Հայոց ցեղասպանությունը: «ԱՄՆ նախագահի հայտարարությունը նաեւ դրական կողմ ունի: Նրա հայտարարության քննարկումները բարձրացրել են համաշխարհային հանրության եւ ԶԼՄ-երի տեղեկացվածության մակարդակը 20-րդ դարի առաջին Ցեղասպանության մասին»,- նշել է Հայոց ցեղասպանության թանգարան-ինստիտուտի տնօրենը:



Ապրիլի 24-ին ԱՄՆ հայ համայնքին հղված ամենամյա ուղերձում ԱՄՆ նախագահ Բարակ Օբաման օգտագործեց Մեծ եղեռն տերմինը` հայերի կողմից սպասված «ցեղասպանություն» տերմինի փոխարեն: «94 տարի առաջ տեղի է ունեցել 20-րդ դարի ամենամեծ չարագործություններից մեկը: Ամեն տարի մենք հիշում ենք մեկուկես միլիոն հայերի մասին, որոնք սպանվել են Օսմանյան կայսրության վերջին օրերին: «Մեծ եղեռնը» պետք է ապրի մեր հիշողության մեջ, ինչպես որ ապրում է հայ ժողովրդի սրտերում»,- ասել է Օբաման:
 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---