 Պեսկով․ ՀԱՊԿ գագաթնաժողովին մասնակցելուց Փաշինյանի հրաժարավելու համար կարելի է միայն ափսոսալ 14 նոյեմբերի 2023 - 15:51 AMT PanARMENIAN.Net - ՌԴ նախագահի մամուլի քարտուղար Դմիտրի Պեսկովը մեկնաբանել է այն տեղեկությունը, որ ՀՀ վարչապետ Նիկոլ Փաշինյանը չի մասնակցի ՀԱՊԿ գագաթնաժողովին և ափսոսանք հայտնել այդ կապակցությամբ։ Նա ասել է, որ եթե դա այդպես է, կարելի է միայն ափսոսանք հայտնել, քանի որ նման հանդիպումները դիրքորոշումները ճշտելու լավ առիթ են, գրում է ՌԻԱ Նովոստին։ «Մենք հասկանում ենք, որ յուրաքանչյուր երկրի ղեկավար իր աշխատանքային գրաֆիկում այլ հանդիպումներ կարող է ունենալ, իր հանգամանքները։ Բայց նման հանդիպումները լավ առիթ են կարծիքներ փոխանակելու, դիրքորոշումները ճշտելու համար»,–ասել է Պեսկովը։ Նա ընդգծել է, որ «ՀԱՊԿ–ը, միևնույն է, պահպանում է իր ակտուալությունը»։ «Այն հանդիպումները, որ կազմակերպվում և անցկացվում են ՀԱՊԿ շրջանակում, վկայում են այդ մասին, առնվազն փոխգործակցության այդ ձևաչափի պահանջված լինելը տաբեր ոլորտներում մասնակցիների շրջանում»,–ասել է Պեսկովը։ Վարչապետ Նիկոլ Փաշինյանը չի մասնակցի ՀԱՊԿ նիստին։ Այդ մասին նա տեղեկացրել է Բելառուսի նախագահ Ալեքսանդր Լուկաշենկոյի հետ հեռախոսազրույցում, որը տեղի է ունեցել բելառուսական կողմի նախաձեռնությամբ, հայտնում է վարչապետի մամուլի ծառայությունը: Վարչապետ Փաշինյանը Բելառուսի նախագահին տեղեկացրել է, որ չի կարողանա մասնակցել նիստին և հույս է հայտնել, որ ՀԱՊԿ գործընկերները ըմբռնումով կվերաբերվեն այդ որոշմանը: Photo. Ria Novosti   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
