Սպասվում են տեղումներ, լեռնային շրջաններում՝ թաց ձյուն

PanARMENIAN.Net - Հայաստանի տարածքում նոյեմբերի 27-ի և 28-ի գիշերը՝ առանձին շրջաններում, 27-ի ցերեկը շրջանների մեծ մասում սպասվում են տեղումներ, լեռնային շրջաններում՝ թաց ձյուն։

Օդի ջերմաստիճանը նոյեմբերի 27-ի ցերեկը կնվազի 2-3 աստիճանով, 28-ին ևս 7-10 աստիճանով։

Նոյեմբերի 28-ի ցերեկը, 29-30-ին, դեկտեմբերի 1-ին սպասվում է առանց տեղումների եղանակ։

Քամին՝ հարավարևմտյան 2-5 մ/վ, առանձին վայրերում սպասվում է քամու ուժգնացում 27-ին՝ 20-25 մ/վրկ արագությամբ, նոյեմբերի 28-ին՝ 15-20 մ/վրկ:

Երևանում նոյեմբերի 27-ին սպասվում է անձրև, քամու ուժգնացում 15-18 մ/վրկ արագությամբ։ Նոյեմբերի 28-30-ին, դեկտեմբերի 1-ին սպասվում է առանց տեղումների եղանակ։ Մայրաքաղաքում նոյեմբերի 27–ի և 28–ի ցերեկային ժամերին սպասվում է +8 աստիճան, իսկ նոյեմբերի լույս 29–ի գիշերը՝ -1․․․-3 աստիճան։