Զախարովա․ ՌԴ–ն ողջունում է սահմանազատման շուրջ ՀՀ և Ադրբեջանի հանդիպումը 6 դեկտեմբերի 2023 - 16:56 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ ՌԴ–ն ողջունում է սահմանազատման շուրջ ՀՀ և Ադրբեջանի հանդիպումը և պատրաստ է նպաստել այդ գործընթացին։ «Մենք ողջունում ենք Ադրբեջանի և ՀՀ ներկայացուցիչների հանդիպումը համատեղ սահմանին։ Այդ միջոցառման ընթացքում կողմերը պայմանավորվել են համաձայնեցնել կազմակերպչական, մեթոդաբանական հարցերը՝ սահմանազատման գործնական աշխատանքի գործարկումը նախապատրաստելու շրջանակում»,–ասել է նա, գրում է ՏԱՍՍ–ը։ Զախարովան նաև ասել է, որ տրանսպորտային հաղորդակցությունների ապաշրջափակման ուղղությամբ եռակողմ աշխատանքային խմբի գործունեության հետագա հետաձգումը տարածաշրջանի երկրների դեմ է աշխատելու։ «Մենք կարծում ենք, որ եռակողմ աշխատանքային խմբի շրջանակում պայմանավորվածությունների ձեռքբերման հետագա ձգձգումն աշխատելու է տարածաշրջանի երկրների, այդ թվում Հայաստանի շահերին դեմ»,–ասել է նա։ Զախարովան նշել է, որ եռակողմ աշխատանքային խմբի աշխատանքում զգալի առաջընթաց էր գրանցվել։ «Երկու կողմերից քաղաքական կամքի առկայության դեպքում կողմերը կարող են օպերատիվ կերպով ավարտել կոնկրետ նախագծերի համաձայնեցման աշխատանքը և առարկայական գործունեություն սկսել»,–ասել է նա։ Նոյեմբերի 30-ին ՀՀ և Ադրբեջանի պետական սահմանին տեղի է ունեցել երկու երկրի միջև պետական սահմանի սահմանազատման պետական հանձնաժողովի հերթական հանդիպումը։ Կողմերը շարունակել են սահմանազատման հարցերի քննարկումը, անդրադարձել կազմակերպչական և ընթացակարգային մի շարք հարցերի:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
