ԱՄՆ ՄԶԳ-ն Հայաստանում $25 մլն բյուջեով տնտեսական ծրագիր է մեկնարկել 8 դեկտեմբերի 2023 - 18:46 AMT PanARMENIAN.Net - Դեկտեմբերի 8-ին Երևանում պաշտոնապես մեկնարկել է ԱՄՆ Միջազգային զարգացման գործակալության մոտ 25 միլիոն դոլար բյուջեով «Տնտեսական հիմքեր՝ հանուն դիմակայուն Հայաստանի» ծրագիրը։ «Այս ծրագրի շրջանակում մեր հետապնդած ամենակարևոր նպատակը մասնավոր հատվածի, հասարակության և կառավարության համատեղ աշխատանքն է, միմյանց հետ աշխատելու և տնտեսական հնարավորությունների ուսումնասիրելու պայմաններ ստեղծելը»,-ճեպազրույցում հայտնել է ԱՄՆ Միջազգային զարգացման գործակալության հայաստանյան առաքելության տնօրեն Ջոն Ալելոն, գրում է Panorama.am-ը։ Նրա խոսքով, այդ նպատակով տարբեր ծրագրեր են իրականացվում և թիրախը ֆինանսական ներդրումները ներգրավելու և Հայաստանում օգտագործելու արդյունավետության բարձրացումն է։ Ջոն Ալելոն հայտնել է, որ հիմնականում աշխատելու են այն ոլորտներում որոնք Հայաստանի համար առաջնայնություն են ներկայացնում՝ գյուղատնտեսության, զբոսաշրջության և տեխոնոլոգիաների հատվածները։ Էկոնոմիկայի նախարար Վահան Քերոբյանն ասել է, որ հիմնական նպատակը Հայաստանի տնտեսության դիվերսիֆիկացումն է և այդ ուղղությամբ կամաց-կամաց տեսնում ենք դրական միտումներ: Նա ասել է, որ տնտեսության դիվերսիֆիկացումը չպետք է լինի որևէ երկրի հաշվին, բայց խնդիր է դրված, որ որևէ երկիր չունենա գերակշռեղ ազդեցություն Հայաստանի տնտեսության վրա: ԱՄՆ Միջազգային զարգացման գործակալության կողմից ֆինանսավորվող այս ծրագրի նպատակն է աջակցել Հայաստանի տնտեսական դիմակայունության ամրապնդմանը, զարգացնել մրցունակությունն ու բարելավել տնտեսական կառավարումը՝ պետական և մասնավոր հատվածների հետ սերտ համագործակցության միջոցով։ Ծրագրի արդյունքում ակնկալվում է նպաստել նվազագույնը 60 միլիոն ԱՄՆ դոլար ընդհանուր ծավալով ներդրումների մոբիլիզացիային՝ «Ներդրումային մոբիլիզացման հարթակի» մշակման և ներդրման միջոցով, ինչպես նաև հնարավոր դարձնել 750 ընկերությունների վաճառքների աճը։   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
