ԱՄՆ Պետդեպն անընդունելի է համարում Ադրբեջանում լրագրողների ու ընդդիմադիրների կալանավորումները 19 դեկտեմբերի 2023 - 16:46 AMT PanARMENIAN.Net - ԱՄՆ Պետական դեպարտամենտն անընդունելի է համարում Ադրբեջանում լրագրողների ու ընդդիմադիրների կալանավորումները։ Այդ մասին ճեպազրույցում հայտարարել է Պետդեպարտամենտի խոսնակ Մեթյու Միլլերը՝ պատասխանելով Ադրբեջանում արտահերթ նախագահական ընտրություններից առաջ ընդդիմադիր Թոֆիգ Յաղուբլուի ու իշխանության քննադատների ձերբակալություների մասին հարցին։ «Ադրբեջանում լրագրողների, քաղաքացիական հասարակության ակտիվիստների և ընդդիմադիր գործիչների ձերբակալման վերջին միտումը խորապես մտահոգիչ է: Միայն վերջին մեկ ամսվա ընթացքում մեկ տասնյակից ավելի նման գործիչներ են ձերբակալվել։ Դա անընդունելի է, և մենք կշարունակենք Ադրբեջանի կառավարությանը կոչ անել հարգել մարդու իրավունքները և հիմնարար ազատությունները, այդ թվում այն անձանց, ովքեր օգտվում են ազատ արտահայտվելու իրավունքից, ինչպես նաև շուտափույթ ազատ արձակել բոլոր նրանց, ովքեր անարդարացիորեն ձերբակալվել են»,-ասել է Միլլերը։ Ադրբեջանում ԱՄՆ դեսպանատունը նույնպես կոչ է արել ազատ արձակել Թոֆիգ Յաղուբլուին, հայտնում է Trend-ը։ «Մենք խորապես մտահոգված ենք Թոֆիգ Յաղուբլուի կալանավորմամբ։ Մենք կոչ ենք անում ազատ արձակել Յաղուբլուին և բոլոր նրանց, ովքեր կալանքի տակ են հիմնարար ազատությունների իրացման համար»,–ասվում է դեսպանատան հայտարարության մեջ։ Յաղուբլուից բացի, ձերբակալվածների թվում 8 լրագրող կա։ 2024–ի փետրվարի 7–ին Ադրբեջանում արտահերթ նախագահական ընտրություններ են նշանակված։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
