 ԱԺ–ն ընդունել է զինծառայությունից 15 մլն դրամի դիմաց ազատվելու նախագիծը 16 հունվարի 2024 - 11:46 AMT PanARMENIAN.Net - ՀՀ ազգային ժողովն ընդունել է զինծառայությունից փողով ազատվելն օրինականացնելու ՔՊ–ական պատգամավոր Հայկ Սարգսյանի ներկայացրած նախագիծը։ Կողմ են քվեարկել «Քաղաքացիական պայմանագիր» խմբակցության պատգամավորները (61 ձայն), դեմ «Հայաստան» խմբակցությունից (27 ձայն), և ձեռնպահ ՝ «Պատիվ ունեմ» խմբակցության պատգամավորները (6 ձայն): Նախագիծն ուժի մեջ կմտնի հրապարակումից հետո 10 օրվա ընթացքում, հայտնում է Sputnik Արմենիան։ Տվյալ օրինագիծը բազմաթիվ տարաձայնությունների առիթ էր դարձել և ՔՊ–ական, և ընդդիմադիր պատգամավորների շրջանում։ Նախագծով առաջարկվող կարգավորումների կիրառմամբ ակնկալվում է, որ բազմաթիվ քաղաքացիներ կվերադառնան հայրենիք, ՀՀ զինված ուժերը կհամալրվեն հայրենադարձ քաղաքացիներով, լրացուցիչ ֆինանսական միջոցներ կմուտքագրվեն պետբյուջե։ ԱԺ պաշտպանության և անվտանգության հարցերի մշտական հանձնաժողովի նիստի ընթացքում նախագծի հեղինակ Հայկ Սարգսյանը որոշ տեխնիկական փոփոխություններ էր առաջարկել։ Մեկի պարագայում 1 ամիս ծառայության դիմաց առաջարկվող 10 մլն դրամը կդառնա 8 մլն դրամ։ Մեկ այլ փոփոխությամբ սահմանային տարիքը դարձել է 45` 37-ի փոխարեն, որպեսզի օրինագծից կարողանան օգտվել նաև սպայական կազմի պարտադիր զինվորական ծառայությունից խուսափած քաղաքացիները։ Երրորդ փոփոխությամբ էլ առաջարկվել է վերջերս ՀՀ քաղաքացիություն ստացած անձանց համար սահմանված 27-37 տարեկանը փոխել և դարձնել 18-45 տարեկան։ Այս կետը ոչ միանշանակ էր ընդունվել ներքին գործերի նախարարության կողմից և առաջարկվել էր այն հանել։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
