Միրզոյանն ու Ֆիդանը վերահաստատել են սահմանը մասնակի բացելու պայմանավորվածությունը15 մարտի 2024 - 17:06 AMT PanARMENIAN.Net - ԱԳ նախարար Արարատ Միրզոյանն ԱԺ–ում, անդրադառնալով հայ-թուրքական հարաբերություններին, ասել է, որ թեև վերջնանպատակն իրականացված չէ՝ սահմանի ամբողջական բացում և դիվանագիտական հարաբերությունների հաստատում, այնուամենայնիվ, եղել են շատ ինտենսիվ իրադարձություններ։ Նա նշել է, որ սահմանի մասնակի բացումը մինչ օրս իրականացված չէ, թեև այս մասին պայմանավորվածությունը նաև Թուրքիայի ԱԳ նոր նախարար Հաքան Ֆիդանի հետ հանդիպմանն են հնարավորություն ունեցել վերահաստատել, հայտնում է Panorama.am-ը։ «Մեզ համար կարևոր է խոսել և ներկայանալ ոչ միայն թուրքական կողմի պաշտոնյաների հետ, այլ նաև թուրք հասարակության հետ: Տեսնում ենք, որ հաճախ թուրքական հասարակությունում կան Հայաստանի և Հայաստանի որդեգրած քաղաքականության մասին պատկերացումներ, որոնք ամենևին չեն համապատասխանում իրականությանը: Եվ կարևոր են մեր դիրքորոշումներն, ընկալումներն՝ այդ թվում նաև Հայաստան-Ադրբեջան բանակցությունների վերաբերյալ ներկայացնել նաև թուրք գործընկերներին, հասարակությանը՝ առնվազն հասկանալի լինելու նպատակով»,-ասել է Միրզոյանը։ Հունվարի 6-ին թուրքական կողմը տեղեկացրել է, որ վերացվել են երկու երկրների միջև ուղիղ օդային բեռնափոխադրումներ կատարելու համար նախկինում առկա արգելքները։ Թուրքիայում տեղի ունեցած ավերիչ երկրաշարժից հետո 2023–ի փետրվարի 8-ին Հայաստանն ուղարկել է փրկարարական ջոկատ, հումանիտար օգնություն։ Միրզոյանը նույն առիթով այցելել է Թուրքիա, Անկարա, որտեղ տեղի ունեցավ Հայաստանի և Թուրքիայի արտաքին գործերի նախարարների առանձնազրույց, ապա ընդլայնված կազմով հանդիպում։ Այցի ժամանակ պայմանավորվածություն է ձեռք բերվել մասնակիորեն բացել հայ-թուրքական սահմանը՝ երրորդ երկրների քաղաքացիների համար, նաև դիվանագիտական անձնագիր ունեցողների համար։ Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |