 ԱԳ նախարար. ՀՀ օրակարգում ՆԱՏՕ-ին անդամակցելու հարց այսօր չկա 1 ապրիլի 2024 - 11:15 AMT PanARMENIAN.Net - Արտաքին գործերի նախարար Արարատ Միրզոյանն արգենտինյան Todos Noticias հեռուստատեսությանը հարցազրույցում հայտարարել է, որ Հայաստանի օրակարգում այսօր ՆԱՏՕ-ին անդամակցելու հարց չկա։ «Մենք արդեն իսկ գործակցում ենք ՆԱՏՕ-ի հետ՝ մասնակցում ենք խաղաղապահ գործողություններն Աֆղանստանում, ավելացրել ենք մեր ներկայությունը Կոսովոյում։ Դա գործակցության ձևաչափ է։ Եթե նկատի ունեք ՆԱՏՕ-ին անդամակցելու հայտը կամ մտադրությունը, ապա ոչ, Հայաստանի օրակարգում այսօր նման հարց չկա»,–ասել է նա։ Միրզոյանը, անդրադառնալով ԵՄ-ի հետ փոխգործակցությանը, ասել է, որ հայերը, Հայաստանի ժողովուրդն ունի եվրոպական ձգտումներ։ «Ես կցանկանայի մեջբերել ՀՀ վարչապետ Նիկոլ Փաշինյանի հայտարարությունը Եվրոպական խորհրդարանում։ Նա ասաց, որ Հայաստանը պատրաստ է այնքան մոտ լինել Եվրոպական Միությանը, որքան Եվրոպական Միությունը դա հնարավոր կհամարի»,–ասել է նա։ Նախարար Միրզոյանն անդրադարձ է կատարել Հայաստանի և Արգենտինայի միջև համագործակցության ընդլայնման հեռանկարներին, պաշտոնական այցի ընթացքում այդ ուղղությամբ կայացած քննարկումներին, ինչպես նաև Հարավային Կովկասում անվտանգային իրավիճակին: Վերջինիս համատեքստում նշվել է Լեռնային Ղարաբաղում Ադրբեջանի կողմից իրականացված էթնիկ զտման, ՀՀ ինքնիշխան տարածք ներխուժումների, առկա մարտահրավերների և դրանց հանգուցալուծմանն ուղղված ՀՀ ջանքերի մասին:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
