Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում

PanARMENIAN.Net - Բաքվում ԱՄՆ դեսպանատունը կարևորել է խաղաղաության պայմանագիր կնքելու նպատակով Հայաստանի և Ադրբեջանի միջև դիվանագիտական ջանքերի շարունակությունը։ Նշվել է, որ երկրները զգալի հաջողության են հասել միմյանց տարածքային ամբողջականությունն ու ինքնիշխանությունը ճանաչող համաձայնության ճանապարհին։

Հայտարարության մեջ նշվում է, որ ԱՄՆ–ն սատարում է Ադրբեջանի և ՀՀ ղեկավարներին և իր աջակցությունն առաջարկում խաղաղության հասնելու գործում, գրում է Turan.az-ը։

«Մենք շարունակում ենք ստարաել երկու երկրների ղեկավարությանը և մեր աջակցությունն ենք առաջարկում արժանապատիվ և կայուն խաղաղության հասնելու գործում, որտեղ կհարգվեն բոլորի իրավունքները»,–ասվում է հայտարարության մեջ։

Դեսպանատան հայտարարության մեջ կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»։

Հայտարարությունը տարածվել է ի պատասպան Ադրբեջանի նախագահ Իլհամ Ալիևի Շուշիում հնչեցրած մեղադրանքներին թե ԱՄՆ–ն, Ֆրանսիան, Մինսկի խումբը 28 տարի ոչինչ չեն արել հակամարտությունը կարգավորելու համար։ Նա ասել էր, թե ոչ ոք չի կարող անտեսել Ադրբեջանի դիրքորոշումը։

Բաքվում ԱՄՆ դեսպան Մարկ Լիբբին մայիսի 6-ին այցելել էր Շուշի, թեև դրանից 2 օր առաջ ասել էր, որ դեռ պատրաստ չէ։

«Տավուշը հանուն հայրենիքի» շարժումը, որը դեմ է հանդես գալիս Տավուշում մեկնարկած հատվածական սահմանազատմանը, և որի երթը դեպի Երևան առաջնորդում էր ՀԱԵ Տավուշի թեմի առաջնորդ Բագրատ սրբազանը մայիսի 9-ին հասել է մայրաքաղաք, որտեղ բազմահազարանոց հանրահավաք է անցկացրել Հանրապետության հրապարակում։

Բագրատ սրբազանը, ընդդիմադիր պատգամավորների հետ խորհրդակցելուց հետո, դիմելով հանրահավաքի մասնակիցներին, հայտարարել է, որ առաջիկա օրերին Ազգային ժողովում նախաձեռնվելու է վարչապետին անվստահություն հայտնելու գործընթաց։