Զախարովա․ Ֆրանսիան նոր սրացում է հրահրում Հարավային Կովկասում![]() 19 հունիսի 2024 - 16:41 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով ՀՀ և Ֆրանսիայի միջև CAESAR համակարգերի ձեռքբերման պայմանագրին, հայտարարել է, որ Ֆրանսիան նոր սրացում է հրահրում Հարավային Կովկասում։ «Փարիզը զինված հակամարտության հերթական սրացումն է հրահրում Հարավային Կովկասում։ Սա ևս մեկ քայլ է։ Մենք այդ մասին ասել ենք, կրկին տեսնում եք հաստատումը»,– ասել է դիվանագետը՝ մեկնաբանելով Երևանի և Փարիզի կնքած պայմանագիրը, հայտնում է ՏԱՍՍ–ը։ Ինչպես նշել է Զախարովան, Ֆրանսիայի իշխանությունները ղեկավարվում են «ոչ թե Հայաստանի շահերով, ոչ թե կոնկրետ գոնե մեկ ժողովրդի շահերով, ոչ, ոչ մի նման բան»։ «Փարիզը ձգտում է օգտագործել առկա տարաձայնությունները, հակասությունները երկրների միջև կամ ներսում՝ որպես գործիք բացառապես սեփական շահադիտական նպատակների համար»,–ասել է նա։ Զախարովան հավելել է, որ շահադիտական նպատակների տակ ենթադրվում է ոչ միայն Փարիզի սեփական շահը, այլ նաև Ֆրանսիայի՝ «որպես ՆԱՏՕ–ի գաղափարախոսության ջատագովի»։ Ավելի վաղ Բաքուն էր նյարդային արձագանքել Հայաստանին ֆրանսիական CAESAR-ների վաճառքին և ռազմատեխնիկական գործակցության զարգացման պայմանագրերի կնքմանը Հայաստանի և Ֆրանսիայի միջև։ Երևանն ու Փարիզը CAESAR թնդանոթների ձեռքբերման պայմանագիր են կնքել։ Հունիսի 17-ին Սուրեն Պապիկյանը Փարիզում հանդիպել է Ֆրանսիայի զինված ուժերի նախարար Սեբաստիեն Լըկորնյուի հետ՝ կողմերը կարևորել են ռազմատեխնիկական գործակցությունը, որի շուրջ ձեռք են բերվել նոր պայմանավորվածություններ: ՀՀ պաշտպանության նախարարության և KNDS ֆրանսիական ռազմարդյունաբերական ընկերության միջև կնքվել է ռազմատեխնիկական համագործակցության պայմանագիր։ Պապիկյանը մասնակցել է Eurosatory միջազգային ցուցահանդեսի բացման արարողությանը, շրջել է տաղավարներում, ծանոթացել ներկայացված ցուցանմուշներին, հանդիպումներ ունեցել ռազմարդյունաբերական մի շարք ընկերությունների ներկայացուցիչների հետ։ ![]() ![]() Նա նշել է, որ աշխատանքներ են տարվում Ադրբեջանի և ՀՀ միջև խաղաղության համաձայնագրի ստորագրման ուղղությամբ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ ![]() ![]() | ![]() ![]() ![]() ![]() ![]() ![]() ![]() ![]() |